Ағиҙел
-18 °С
Болотло
75 лет Победы
Бөтә яңылыҡтар
Шиғриәт
24 Июль 2019, 13:19

Әбйәлил

Әбүзәрҙән шиғри күстәнәс

Салауат ӘБҮЗӘР
Әбйәлил
Әкиәттәр ҙә үҙгәрә,
Шундай замана килде.
Арҡан ишә, ти, Әбйәлил:
“Аҫып ҡуям, – тип, – илде!”
Ил эйәһе ҡурҡышынан
Тора, ти, дер ҡалтырап.
Ялбарырға тотона, ти:
“Аҫмай тор инде, брат!
Илде урынында ҡалдыр,
Ал нефтте, алтынды...
Илһеҙ ҡалһаҡ, ни эшләрбеҙ?
Ҡыҙған меҫкен халҡыңды!”
Ә Әбйәлил ишә һаман,
Бер кемдә лә эше юҡ...
“Уның арҡаны ҡомдан!” – тип,
Әйтерлек бер кеше юҡ...