Ағиҙел
+21 °С
Болотло
75 лет Победы
Бөтә яңылыҡтар
Сәсмә әҫәрҙәр
23 Май , 13:21

ЧАТ. Миләүшә Ҡаһарманова

Баҡсасылар ойошмаһында кемдер чат асты ла, мине шунда индерҙе. Класташтар, курсташтар, ауылдаштар, туғандар, балалар баҡсаһы, 4 «Б», оҫта ҡулдар, кино яратыусылар, матурлыҡ салоны һәм тағы ла үҙем белеп еткән һәм етмәгән егермеләп чатҡа тағы ла берәү өҫтәлде.

ЧАТ. Миләүшә Ҡаһарманова
ЧАТ. Миләүшә Ҡаһарманова

Чаттың администраторы Динара Рәмил ҡыҙы тигән берәү яҙып та һалды:
--Хөрмәтле баҡсасылар! Һеҙҙе берләштереү өсөн чат астыҡ! Әйҙәгеҙ танышайыҡ! Кем башлай?
Төрлө яҡтан яуаптар яуҙы:
--Мин 132-се участоктан Рабиға. Кейәүҙә түгелмен.
--Ай, Хоҙайым! Тағы бер чат!
--Нишләп мине һорамайса индерҙегеҙ бында? Юйығыҙ номерымды!
--Һыуҙы нисәлә бирәләр икән?
--Ҡайҙа һыра һатыла ул? Кем белә?
--Баҡсаға ингән ерҙә бесәй йөрөй. Кем бесәйен ташлап китте? Эттәр!
--Бынан нисек сығырға?
--Нисек сығырға тием?
--Сығарығыҙ мине!!!
--132-се участоктан Рабиға! Мин 72-се участокта. Өйләнмәгәнмен.
--Бөтөн баҡсала ямғыр яуҙы, минең учасок алдында ғына һыу ята. Ни өсөн? Аңлатығыҙ?
--Баҡсаға ял итергә килдем. Ниндәй чат тағы?
--Райман, әйҙә кил. Ҡатының белмәһен өсөн участок һанын яҙмайым.
— Мин аҡса йыймайым! Әсәйҙәр һеҙ шашып киттегеҙ, ул ниндәй бөтмәҫ тыуған көн?
--Ой, чаттарҙы бутағанмын, ғәйү итегеҙ...
--Баҡсала интернет насар тота, алмағасҡа менеп яҙам.
--Кисә минең эргәнән ҡыҙыл Ниссан Жук-та елдереп үткән ҡыҙ, һеҙҙең машинала кардан туҡылдай. Ремонт 12-се участокта.
--Еҙ самауыр һатыла. Ҡайын миндектәре.
--Төн уртаһында ниндәй иҫәр чат асты?
--Төн уртаһында ни эшләп яҙаһығыҙ һуң чатҡа?
--Һинән һорайыммы инде?
--Дуҫтар, мәҙәниәтле булайыҡ!
--Мәҙәниәтлеләр йоҡлай был ваҡытта!
--132-се участоктан Рабиға, мин һиңә сыҡтым. 20 минуттан булам.
--Кем һыра эҙләй ине? Таптығыҙмы? Беҙгә лә кәрәк.
--Бесәй балалары таратам. Бушлай.
--Кемдәрҙә баҡсаға бурыс бар, шуларға һыу туҡтатыласаҡ. Администрация.
--Хәйерле иртә, дуҫтар! Уңышлы көн барығыҙға ла!

Тағы күпме булыр был чаттар?

Автор:Минзаля Аскарова
Читайте нас в