Бөтә яңылыҡтар
Рухи хазиналар
13 Ноябрь 2022, 20:46

Өзләү сәнғәте

...Өзләү тураһындағы тәүге мәғлүмәттәрҙе беҙ И. Лепехин яҙмаларында күрәбеҙ: "Улар үҙҙәренең тауыштарын йәнлектәр һәм төрлө ҡоштар тауышына оҡшатып күрһәттеләр, быны шул тиклем уңышлы итеп эшләнеләр, хатта ысын ҡош тауышын башҡорттоҡонан айырыу ҡыйын ине". Өзләү сәнғәте, һирәк булһа ла, С.Г. Рыбаковҡа ла осраған. Орск өйәҙе Юлыҡ ауылында шундай бер өзләүсе башҡорт менән осрашыуы тураһында ул былай тип яҙа: 

Өзләү сәнғәте
Өзләү сәнғәте

"Башҡорт тамаҡ төбө шаҡтай ҡырағай һәм мөңрәгән характерҙағы тауыш сығарҙы. Ошо тауыш фонында ул (үҙенең әйтеүенә ҡарағанда) бәләкәй тел ярҙамында башҡорт көйҙәрен уйнаны. Көй әкрен, ләкин аңлайышлы, асыҡ һәм яғымлы сыға ине". Шундай уҡ йылылыҡ менән ул Темәс ауылында йәшәүсе Мансур Голубуевтең өзләү оҫталығы тураһында яҙа: "Был тауыштар ысынлап та ҡоштоҡона оҡшаған, шул уҡ ваҡытта көй ҙә асыҡ ишетелә ине. Был аҡҡош ҡаңғылдауын рәхәтләнеп тыңлайһың, сөнки ул шундай оҫта башҡарылған һәм яғымлы нәмә... Шунан һуң йырсы күгәрсендең нисек гөрләүен, ниндәйҙер бер ҡыр ҡошоноң, биҙгәләктең булһа кәрәк, нисек һайрауын һүрәтләндерҙе, һәм былар бөтәһе лә бик үҙенсәлекле һәм дөрөҫ яңғырай ине". 

(С. Галиндың "Башҡорт халҡының йыр поэзияһы" (Өфө, 1979) китабынан).

Автор:Луиза Кирәева
Читайте нас: