Бөтә яңылыҡтар
Рухи хазиналар
21 Декабрь 2018, 11:29

Зәйнәб Биишева үҙе нимә әйтер ине икән? Яҙыусы исемендәге фонд уның китаптарын сығарыуҙан мәхрүм ителде.

Сәбәбе ябай: Зәйнәб Биишева исемендәге фонд быға тиклем китаптарҙы авторлыҡ хоҡуғын һаҡламайынса нәшер иткән. Яҙыусының әҙәби мираҫы, йәғни, авторлыҡ хоҡуғы, Тельман Әминевтың, әҙибәнең улы ҡарамағында. Күптән түгел суд фондтың китап сығарырға һәм Зәйнәб Биишева исемен йөрөтөргә хоҡуғы юҡ, тигән ҡарар сығарҙы.

Ғөмүмән, Тельман Ғәзиз улы әсәһенең китаптарының сығыуына ҡаршы түгел, тик авторлыҡ хоҡуғы һаҡланырға тейеш. Хатта Тельман Ғәзиз улы әсәһенең Коммунистик урамындағы фатирын ҡулъяҙмалары һәм иҫтәлекле ҡомартҡылары менән Башҡортостан Хөкүмәте ҡарамағына бирергә теләй. Фатирҙың ишеге һәр ваҡыт асыҡ, Тельман Ғәзиз улы әсәһенең ижады, йәшәү шарттары, документтары менән танышырға теләүселәрҙе ҡабул итергә әҙер.