Бөтә яңылыҡтар
Рухи хазиналар
21 Декабрь 2018, 12:02

Рәми Ғарипов хәҙер Өфө урамын биҙәйәсәкме? Гоголь урамындағы ихаталарҙың береһендә халыҡ шағирының өс метр бейеклектәге һүрәте барлыҡҡа килде.

Граффитиҙың авторы – билдәле рәссам Олег Кайбышев һүрәттән тыш шағирҙың атаҡлы “Туған тел” шиғырын башҡорт һәм рус телдәрендә яҙып ҡуйған. Һүрәт өс метр бейеклектә, эргәһендә иркенләп тороп селфи эшләргә мөмкин.

Күреп тораһығыҙ, һүрәт бик бейек түгел, шуға күрә шағир халыҡтан һәм ерҙән әле булһа айырылмаған тигән тойғо ҡала. Тик башҡалар быны нисек ҡабул итер, вандалдар ҡара эшенә тотонмаҫмы, буяп китмәҫтәрме? Һәр хәлдә, һүрәттең барлыҡҡа килеүе үҙе бер ваҡиға һәм күренеш. Шағир ижадын яратыусылар уны бөгөн үк барып күрә ала.