Бөтә яңылыҡтар

УТЫН — УТТЫҢ РИЗЫҒЫ...

"Уйынлы-ысынлы, килделе-киттеле һүҙлек"тәге "У" ға һәм "Ү"гә башланған һүҙҙәргә лә сират етте:У.УБА — өҫкә ҡарай убылған ер өлөшө, Уфа.УБЫР — торлаҡ-коммуналь хужалығы.УГОЛОВНОЕ ПРАВО — енәйәткә хоҡуҡ.УДАРНИК — һуғып эшләүсе.УЖЫМ — аҡ юрған аҫтындағы йәшел бала.УЙ — бирелһәң, уйылаһың.УНТА — унта-бынта кейә торған ҡатай итеге.УҢ — эшең уңа торған яҡ.

УСАҠ — уҫаҡ утындан хасил булған ялҡын.
УҪАЛ — үс алыусы кеше.
УТ — вазифаһын башҡарыусы утын.
УТЫН — уттың ризығы.
УРАН — ҡара йылан (иран).
УРТ — аҙыҡ эшкәртеү конвейерының 1-се цехы.
УРЫНБАҪАР — инә ҡош ял иткәндә йомортҡаны һыуытмай баҫыусы ата ҡош.
УКРОП — микроптарҙы үкертеп үлтереүсе.

Ү.
ҮҘҠИММӘТ — үҙҡиммәтенән арзан тауарҙың үҙарзаны була.
ҮКСӘ — ҡасҡанда — көҙгө.
ҮРҒУЯН — Уралдағы кенгуру.
ҮРМӘКСЕ — күрмәксенең эләксәне.
ҮҪМЕР — балалыҡтың ҡарт, ҡартлыҡтың тулғаҡтағы сағы.
ҮТ — аш үтмәгәндә ярҙамға килеүсе.

31.03.2021
Әхмәр Ғүмәр-Үтәбайҙың "Мең дә бер күҙәтеүем" яҙмаларынан
427-се күҙәтеү.