Бөтә яңылыҡтар

КИСӘГЕ КӨН ТАРИХТА ҠАЛДЫ

"Аҡ барс" менән һуңғы уйындың аҙағында ғына уянды беҙҙекеләр. Тик ваҡыт етмәй ҡалды. Миңә был хәл етмешен үткәс, һикһәнгә аяҡ баҫҡас ҡына яңы өйләнеп, ғаилә ҡороп йәшәргә маташҡан ҡарт егетте хәтерләтте. Әгәрҙә беҙҙекеләр 4 осрашыуҙа ла һуңғы 5 минутта уйнаған һымаҡ уйнаһалар, ярым финалға ла үткән булырҙар ине.

"Әгәр ҙә" тип әйтергә генә ҡала, әммә тарих өсөн теләк-шарт һөйкәлеше юҡ, сөнки кисәге көн әле үк тарихта ҡалды. Миңә "Аҡ барс" командаһының берҙәмлеге оҡшаны. Улар, кәрәк булғанда, бишеһе лә ҡапҡасы, йә һаҡсы һәм йә һөжүм итеүсе.
24.03.2021
Әхмәр Ғүмәр-Үтәбайҙың "Мең дә бер күҙәтеүем" яҙмаларынан
422-се күҙәтеү.