ЯРАЛЫ БӘХЕТ (хикәйәт). Зәйтүнә Айытбаева
Бөтә яңылыҡтар

ҠУРҠЫЛДАҠ НИМӘ УЙЛАНЫ ИКӘН?

"Орнитологтар көнө" уңайынан күрше ауылыбыҙҙа булған бер ҡыҙыҡлы (бәлки ҡыҙғаныстыр ҙа) хәл тураһында яҙып үтәм. Бахмурҙан башы шаңҡып йөрөгән бер егет ҡыр өйрәктәренең йомортҡаларын ояһында табып ала ла, бер инәйгә сәмәйгә алмаштыра. Инәй уларҙы ҡурҡылдаҡ (көркөлдәк, тип тә әйтәләр) тауыҡтан баҫтырып ала.

Себештәр пәйҙә булғас, шатлығының сиге булмай инәйҙең. Ай үҫәһен көн үҫкән өйрәк себештәре ҡанат нығытып, көндәрҙән бер көндө һауаға күтәрелеп, оса ла китә. "Бүре балаһын бүреккә һалһаң да, урманға ҡарай" шул. Ярай, инәй донъяны күргән кеше. Ҡурҡылдаҡ нимә тип уйланы икән шул саҡта?
19.02.2021
Әхмәр Ғүмәр-Үтәбайҙың "Мең дә бер күҙәтеүем" яҙмаларынан
406-сы күҙәтеү.
Читайте нас в