Ағиҙел
-14 °С
Болотло
75 лет Победы
Бөтә яңылыҡтар

КӘКҮК — ҮҘЕНӘ-ҮҘЕ ИСЕМ ҠУШҠАН ҠОШ

"Уйынлы-ысынлы, килделе-киттеле һүҙлек"тәге "К" ға башланған һүҙҙәр:КАМИЛ — саҡрымдарға һуҙылған сикһеҙлек.КАНИКУЛ — эт (лат.), тимәк эт һуғара торған көндәр.КАРТУФ — дейеү көсө (нем.), немец теленә төрки телдән ингән һүҙ: кар (ҡарыу, көс) + туф (див, дейеү), бәрәңге иҫке славян теленән (паренка, парҙа бешерелә торған ризыҡ) алынған.КЕЛӘТ — келәле бина, склад түгел.КЕНДЕК — Әҙәм менән Һауала булмаған тән ағзаһы, уларҙы әсә тапмаған.КЕРЕМ — байлыҡ ни тиклем күп керһә, шул тиклем керләнәһең.КЕҪӘРТКЕ — ҡойроғон баҫып өҙөп килә кесерәйтке.КЕШ — кеше була яҙған һыу йәнлеге.КЕШЕ — эше, хеҙмәт урыны булған йән эйәһе, эше булмағандар...

КИЛЕМ — килен дә килем.
КИЛЕН — килгән кеше, айырылғаны китен микән?
КИНДЕР — германдар бала-саға кейемен киндерҙән һуҡҡан.
КИСӘ — өлөкөгөндөң иртәгәһе.
КИШЕР — һағыҙ.
КӨҘ — тәбиғәттең көҙрәйгән сағы.
КӨЙӘНТӘ — һоноҡ дуға.
КӨЙӘ — кейемгә төшһә, йән көйә.
КӨНБАҒЫШ — болотло көндә үҙ-үҙенә ҡарарға мәжбүр булған үҫемлек.
КӨНДӘШ — өлөш бүлеүсе.
КӨНКҮРЕШ — төнгө ҡарауылсылар төнкүреүселәр микән?
КУЛЬТУРА — ҡулдан тотоп тура йөрөтөүсе.
КҮБЕРӘК — күплегенә сыҙай алмай күбеп киткән.
КҮКӘЙ — эротик йомортҡа.
КҮПЕР — күп бүрәнәләрҙән һалынған баҫма.
КҮРКӘ — күркәм ҡош.
КҮРҺӘТМӘ — күрһәтмәй генә башҡарыла торған бойороҡ, фарман.
КҮРШЕ — көн һайын күрешә торған кеше.
КҮС — Филүс Ҡасимовтың ғәскәре.
КӘБЕҪТӘ — эстон крәҫтиәндәре Салауат Юлаевты ошо йәшелсә менән һыйлар булған.
КӘКЕРЕ — бөкөрөнөң йәш сағы.
КӘКҮК — үҙенә-үҙе исем ҡушҡан ҡош.
6.02.2021
"Мең дә бер күҙәтеүем" яҙмаларынан
397-се күҙәтеү.
Читайте нас в