Ағиҙел
-21 °С
Болотло
75 лет Победы
Бөтә яңылыҡтар

"Кешене белергә теләһәң..." йәки башҡорттоң серле булмышы

Аҡъяр урамы буйлап Әхмәтйән ҡайнағам менән машинала китеп барһаҡ, тротуарҙа шағир вә композитор, гармунсы вә йыраусы, ҡыҫҡаһы, үҙебеҙҙең егет Фәнил Әбделмәновты күреп ҡалдыҡ. Тротуар менән беҙ барған асфальт араһы 30-40 аҙым самаһы. Алғараҡ китеп, кинәт уңға тартып, үләнлек өҫтөнән барып, Фәнилдең ҡаршыһына ҡапыл барып туҡтап, машинанан төштөк. Бындай осрашыуҙы көтмәгән дуҫым: "Йөрәкте яраһың бит. Ниңә алыҫта-а-а-ан күренеп килмәнең? Яйлап өйрәнер инем. Туҡта, тәүҙә ултырып илап алайым әле..." — тип лыпын ултырып, түгелеп тырып иларға тотондо...

Хоҙай, тәбиғәт Фәнилгә талантты аумалата-өймәләтә биргән. Быға инаныр өсөн уның "Аҙашҡан ҡаң" исемле үҙнәшер шиғыр китабын, йәки үҙе сығарған "Сәлимәкәй" йырын тыңлау ҙа етәлер.
Яңыраҡ һинд халҡының бер әйтемен уҡығас, Фәнилдең Аҡъяр урамындағы түгелеп илауы иҫкә төштө. Әйтем шулай яңғырай: "Әгәр ҙә кешене белергә теләһәң, уға ҡағыл. Кеше — һауыт, ҡағылғанда эсендә нимә булһа, шул түгелә".
Фәнил дуҫымдың күңеле зарға, моңға, шиғырға, күҙ йәштәренә мөлдөрәмә тулы шул!
"Мең дә бер күҙәтеүем"
яҙмаларынан 373-сө күҙәтеү
#Ағиҙелжурналы
#журналАгидель
#Мең_дә_бер_күҙәтеүем
#Башкирский_язык
#Башҡорт_теле
#Әхмәр_Үтәбай
#Ахмер_Утябаев
Читайте нас в