Ағиҙел
-16 °С
Болотло
75 лет Победы
Бөтә яңылыҡтар

Асыҡмаһа, һөйләшмәҫ ине

"Ашарға балаңдан өйрән" тигәндән шуға бәйле тағы бер фәһемле һәм ҡыҙыҡлы тарих. Бер малай 7 йәшенә тиклем бөтөнләй һөйләшмәгән. Баланы һөйләштерер өсөн барлыҡ сараларҙы ла ҡулланып ҡарағандар. Күрһәтмәгән табиб, имсе-бағыусы, алып бармаған ил, ҡулланмаған ысул ҡалмаған — малай ләм-мим. "Балабыҙ һөйләшмәҫ инде" тип өмөттәре өҙөлгән ата-әсәнең.Көндәрҙән бер көндө малайҙың әсәһе уйнап йөрөгән балаларын ашарға саҡырған. Барлыҡ балаларына ла ашарға һалып биргәс, телефон шылтыраған. Хужабикә трубканы алып һөйләшергә тотонған. Уның һөйләшеүе оҙаҡҡа һуҙылған. Башҡа туғандары әсәләре һалып биргәнде ашай башлаған, ә һөйләшмәҫ малай һаман көтөп ултыра икән. Малай түҙмәгән, ахырҙа (Артабан — сайтта)

— Әсәй, күпме көтөргә була, мин дә асыҡтым бит, — тиеп әйтеп һалмаһынмы.
Уның үҙ ғүмерендә тәү башлап әйткән һүҙҙәре ошо булған. Һуңынан шатлыҡтары күңелдәренә һыймаған ата-әсә малайҙарын тағы ла табибтарға күрһәтеп ҡараған. Баҡтиһәң, индиго, кристалик вибрациялы балалар хатта һөйләшеүҙе лә кәрәкле тип һанамай икән. Кем белә, малай асыҡмаһа, һөйләшмәҫ тә ине. Бына һиңә, кәрәкһә!
"Мең дә бер күҙәтеүем"
яҙмаларынан 370-се күҙәтеү.
Читайте нас в