Ағиҙел
-18 °С
Болотло
75 лет Победы
Бөтә яңылыҡтар

Әхмәр Ғүмәр-Үтәбай. Мең дә бер күҙәтеүем. 215-СЕ КҮҘӘТЕҮЕМ: “Комментарийҙар артыҡ бында...”

Ике йыл элек Башҡортостан Республикаһы Милли музейы инициативаһы менән бер нисә журнал редакциялары хеҙмәткәрҙәре республикабыҙҙың юғары уҡыу йорттарында эшләгән әҙәби түңәрәктәре ағзалары менән осраштыҡ. Һәр әҙәби түңәрәктән төрлө курстарҙа уҡыған унлаған студент килде. Мин һәр ваҡыт студенттар, мәктәп уҡыусылары менән осрашыуҙарҙа әҙәбиәткә, "Ағиҙел" журналына бәйле һорауҙар төҙөп, викториналар үткәрергә, дөрөҫ яуап биреүселәрҙе журнал һандары, яңы сыҡҡан китаптар менән бүләкләргә яратам. Һөҙөмтә нисек килеп сыҡты: бер юғары уҡыу йортонан килгән йәштәр мин биргән бер һорауға ла яуап бирә алманы. Улар араһында иртәгә ҡулына диплом алырға әҙерләнгән филологтар ҙа бар ине. Һорауҙар түбәндәгесә ине:

1."Һайлап алған яҙмыш" романының авторы кем?
2."Башҡортостаным, илем,
Яҙалмай бер ҙә билен..." тигән шиғыр юлдары ниндәй шағирҙыҡы?
3.Һәҙиә Дәүләтшинаның ире кем булған?
4."Ҡашмау", "Яныу" поэмаларының авторы кем?
5."Ағиҙел" журналында әлеге ваҡытта хикәйәләр конкурсы ниндәй яҙыусының исеме менән аталған?
6.Башҡорт халҡының рухи короле кем ул?
7."Ағиҙел" журналында әлеге ваҡытта эшҡыуарлыҡҡа бәйле мәҡәләләр ниндәй рубрика аҫтында баҫыла?
8."Ахырызаман көткәндә" романының авторы кем?
9."Аманат" журналы совет осоронда нисек аталды?
10.Шәйехзада Бабичтың һәләк булған урыны ҡайҙа?
11."Ағиҙел" журналында баҫылған "Бөйөк Башҡорт иле" мәҡәләһенең авторы кем?
12."Ағиҙел" журналы нисәнсе йылдан башлап сыға?
Бында комментарийҙар артыҡ тип уйлайым.