Бөтә яңылыҡтар

Әхмәр Ғүмәр-Үтәбай. Мең дә бер күҙәтеүем. 191-се күҙәтеүем: "Ауырыуҙар — тонометрҙан..."

"Барлыҡ ауырыуҙар тонометрҙан. Кеше ҡан баҫымын үлсәй ҙә, уны йә төшөрөргә йә юғары күтәрергә тотона. Ә бит тонометр күрһәткәнде түгел, үҙеңде дауаларға кәрәк..." — ти үлән табибы Михаил Викторович Гордеев. Бындай аңлатма бәхәсле, әммә...

Төптән
уйлап ҡараһаң, тонометр күрһәтеүе буйынса дарыуҙар ярҙамында ҡан баҫымын
нормаға килтереү организмды ваҡытлыса ғына көйләүе һүҙһеҙ ҙә аңлашыла. Сөнки
ҡан баҫымы уйламағанда-көтмәгәндә һиҙҙермәй генә юғары күтәрелеп йә түбәнләп,
кешене һәләк итеүе бар. Тонометрға һәм дарыуҙарға һалынырға өйрәнә организм. Әгәр ҙә яныңда тонометр, кеҫәңдә таблетка булмаһа.
Гордеевтың "үҙеңде дауаларға кәрәк" тигәнен был осраҡта гипертония
сирҙәренең сәбәбен үләндәр менән дауалау тип аңларға кәрәктер...