Бөтә яңылыҡтар
Дөйөм мәҡәләләр
15 Февраль 2022, 10:10

Наилә Хәмбәлиева

Наилә ХӘМБӘЛИЕВА * * * Минең менән булмаҫ тиеп уйлама,Халыҡ менән хәтәр уйын уйнама.Уйында ла була еңгән-еңелгән,Еңеүҙәрҙән кемдәр әле төңөлгән?

Наилә Хәмбәлиева
Наилә Хәмбәлиева

Наилә ХӘМБӘЛИЕВА

* * *

Минең менән булмаҫ тиеп уйлама,
Халыҡ менән хәтәр уйын уйнама.
Уйында ла була еңгән-еңелгән,
Еңеүҙәрҙән кемдәр әле төңөлгән?

Еңгәндәрҙең шаша торған ҡомары,
Ташлай алмай ҡан уйнатҡан һунарын,
Хаддин аша бәйел, сәме, нәфсеһе,
Тапап уҙыр хәлгә етә әсәһен.

Тупрағына "лас" иттереп төкөрә,
Һуҡранғанға тамаҡ ярып екерә,
Алтынлылар, тәхетбиләр ҡырында
Һуҙа белә һандуғастың йырын да.

Еңгәндәрҙә намыҫ та юҡ, оят юҡ,
Иман да юҡ, намаҙ ҙа юҡ, аят юҡ.
Улар өсөн тик бер Алла - бол-аҡса,
Ошо юлда улар ифрат талапсан.

Еңелгәндәр тешен ҡыҫа - урт ҡанай,
Йөрәгендә ҡаны ҡыҙып , ут ҡайнай:
"Яңлышаһың,беҙҙе әгәр сүп тиһәң,
Нимә һонам, ҡарамайса үп тиһәң".

Халыҡта көс - береһенә сер түгел.
Еңелгәндең барыһында - бер күңел.
Устар асыҡ булған саҡта ҡыҫып ҡал.
Бер-ике-өс йоҙороҡто асып ҡал.
...Минең менән булмаҫ тиеп уйлама -
Хаҡын белмәй - еңеүеңде туйлама.

Наилә Хәмбәлиева
Наилә Хәмбәлиева
Автор:Салават Абузаров
Читайте нас: