Бөгөн яҙыусы, Рамазан Өмөтбаев, Жәлил Кейекбаев һәм Мөхәмәтша Буранғолов исемендәге премиялар лауреаты Лира Миңләхмәт ҡыҙы Яҡшыбаева ғүмер байрамын – 75 йәшлек күркәм юбилейын билдәләй! Халҡыбыҙ изгеләренең тормошон өйрәнеүсе, һәр әҫәрендә беҙҙе матурлыҡҡа һәм иманға өндәүсе, үткәнебеҙҙе онотмаҫҡа, тәбиғәтебеҙҙе иң ҡиммәтле ҡомартҡылай күреп ҡурсаларға саҡырыусы өлкән ҡәләмдәшебеҙҙе тыуған көнө менән ихлас тәбрикләйбеҙ, уға Ағиҙел йылғаһылай оҙон ғүмер юлы, ҡоростай ныҡлы һаулыҡ-сәләмәтлек теләйбеҙ!