ҺОРО ТӨҪ
Бер аҡыл эйәһе дуҫына былай ти:
– Ошо бүлмәлә һоро төҫтәге әйберҙәрҙе иҫеңдә ҡалдыр.
Дуҫы бүлмәне иғтибар менән ҡарап сыҡҡас, аҡыл эйәһе былай ти:
– Ә хәҙер күҙеңде бәйләйбеҙ һәм һин бүлмәләге зәңгәр төҫтәге әйберҙәрҙе һанап сыҡ.
Уның дуҫы күпме генә тырышһа ла, зәңгәр төҫтәге әйберҙәрҙе иҫенә төшөрә алмай.
– Тормошта ла шулай, – ти аҡыл эйәһе. – Һин гел һоро төҫтәге әйберҙәрҙе генә күрҙең һәм иҫеңдә ҡалдырҙың. Ә бүлмәлә зәңгәр төҫтәге әйберҙәр ҙә бик күп. Гел насарлыҡ ҡына күргән кеше менән дә шулай, ул матурлыҡты күрмәй...