Ағиҙел
-25 °С
Болотло
75 лет Победы
Бөтә яңылыҡтар
Дөйөм мәҡәләләр
27 Март 2021, 18:40

Хуш, Асҡындың аҫыл егете! Ысын ил улы инең һин…

Ҡәһәрле ауырыу һаман сигенергә уйламай, бынамын тигән ҡарағайҙай шәхестәребеҙҙе юғалтабыҙ... Ришат Дихинды барыбыҙ ҙа Асҡындың булдыҡлы етәксеһе итеп белдек. “Ағиҙел”дең, журналыбыҙҙың ысын дуҫы булды, “Мортаза Рәхимов” романын күпләп алып тыуған яғында таратып, эшебеҙҙе күтәрмәләне, Аллаһы Тәғәләнең рәхмәтендә булһын!

Студент ҡына сағында Башҡортостан Яҙыусылар союзында ул саҡтағы рәйес Рауил Бикбайҙың урынбаҫары булды ул. Тырыш, тәрбиәле егетте барыһы ла яратты. Үҙе лә бәләкәйҙән ижад менән шөғөлләнгән Ришат әҙәбиәтте яҡшы аңланы, туған теле өсөн янып йәшәне. Шуға ла, аҙаҡ, район хакимиәте башлығы булып киткәс тә, ваҡытлы матбуғатҡа хеҙмәт итеүселәргә лә, ижадсыларға ла иғтибарлы булды, хөрмәт менән ҡараны. Ваҡытында Башҡортостан телевидениеһында, Мәғариф министрлығында хеҙмәт итеп, Ағиҙел ҡалаһы хакимиәтендә социаль йүнәлеште етәкләп тәжрибә туплаған Дихинды ике йыл элек тыуған районына район хакимиәте башлығы итеп тәғәйенләгән инеләр. Халҡыбыҙҙың ҙур өмөттәр бағлаған уландарының береһе ине ул. Эх, яҙмыш, ҡайһы берҙә үтә аяуһыҙһың, йәшләй генә арабыҙҙан китеүе бигерәк үкенесле. Күпме эшләнмәгән эштәре ҡалды аҫыл егетебеҙҙең! Ғаиләһе, яҡындарына Хоҙай түҙемлек бирһен! Тыныс йоҡла, Ришат, яҡты эҙ ҡалдырҙың, онотмаҫбыҙ!
Читайте нас в