Бөтә яңылыҡтар
Дөйөм мәҡәләләр
26 Март 2021, 11:50

Башҡортса интернет-контент булдырыусылар араһында март айы еңеүселәре билдәләнде

Башҡорт телен һаҡлау һәм үҫтереү фондының Бөтә донъя башҡорттары ҡоролтайы менән берлектә булдырған “Интернет селтәрендә башҡорт телен һәм мәҙәниәтен таратыуға булышлыҡ иткән проекттар авторҙарына грант ярҙамы” тип аталған бәйгеһе март айы еңеүселәрен билдәләне. Бына улар:Ситдиҡова Гүзәл Алмас ҡыҙы. "Махсус репортаж" автор программаһы.Шәйәхмәтова Айгөл Рөстәм ҡыҙы. "Башҡортостан тураһында биҙәүестәр" проекты.Торсонбаева Миләүшә Сәфиулла ҡыҙы. "Инстабәпәй" https://www.instagram.com/insta_bepei/сәхифәһе. Хәлфетдинова Гөлнара Нәжип ҡыҙы. “Гөлнара Хәлфетдинова. Шиғырҙар.” https://vk.com/club43551296 сәхифәһе.Хамматов Шәһит Зәйет улы. "Ил ағаһы Мортаза" https://vk.com/club.murtazarahimovсәхифәһе.

Еңеүселәр исемлегендә “Ағиҙел” журналының бүлек мөхәррире, журналист, шағирә Гөлнара Нәжип ҡыҙы ла бар. Хеҙмәттәшебеҙҙе ихлас күңелдән ҡотлайбыҙ, артабан да илһамланып ижад итеүен теләйбеҙ! Ул бәйгегә шиғри сәхифәһе менән бергә “Ағиҙел”дең 2-се һанында баҫылған , уҡыусыларыбыҙ тарафынан яратып ҡабул ителгән “Әйттермәнең ниңә аҡҡошом тип…” тигән мәҡәләһен дә тәҡдим иткәйне, конкурста шиғри аккаунт администраторы һәм журналист булараҡ та билдәләнде. Әйткәндәй, журналыбыҙҙың яңы, өсөнсө һанында шағирә уҡыусыларға “Ҡара нөктә” тигән тәүге фәлсәфәүи поэмаһын тәҡдим итте.
Һеҙгә әле шау шиғыр һәм поэмаларҙан ғына торған үҙенсәлекле һаныбыҙ килеп еттеме, уҡынығыҙмы, тәьҫораттарығыҙ менән уртаҡлашһағыҙ ине?
Читайте нас в