-1 °С
Ҡар
Бөтә яңылыҡтар
Дөйөм мәҡәләләр
24 Декабрь 2020, 23:25
“Ағиҙел”. 2020: Йыл юғалтыуы. ЗӨҺРӘ ФӘЙЗУЛЛИНА.
2020 йыл республикабыҙ йәмәғәтселеге, әҙәбиәте, мәҙәниәте һәм сәнғәте өсөн бик ауыр юғалтыуҙар йылы ла булды. Донъя – бер мосафирханалыр. Инсан да (кеше лә) рухтар ғәләменән, әсә ҡарынынан, балалыҡтан, йәшлектән, ҡартлыҡтан, ҡәбер ғәләменән ахирәткә күсеп киткән бер юлсылыр...Шағирә, драматург, журналист, үҙешмәкәр композитор һәм педагог Зөһрә Хәдит ҡыҙы Фәйзуллина 1946 йылдың 29 июлендә Әбйәлил районы Ҡаҙмаш ауылында тыуған. Башҡорт дәүләт университетының филология факультетын тамамлап, Әбйәлил районында уҡытыусы булып эшләй. 1980 йылда ғаиләһе менән Сибайға күсеп мәктәп-интернатта, Сибай педагогия колледжында уҡыусыларға белем бирә. 1996-2001 йылдарҙа “Атайсал” төбәк-ара гәзитенең баш мөхәррире була, халыҡтың рухын күтәреү, мәғрифәтен, әҙәбиәтен, башҡорт матбуғатын үҫтереү өсөн күп көс һала. 2005-2012 йылдар арауығында Сибай ҡалаһының “Сулпан” балалар театрының әҙәби бүлеген етәкләй, тап шул осорҙа ныҡлап ижад менән шөғөлләнеп, үҙен һәләтле драматург булараҡ та таныта.
Зөһрә Хәдит ҡыҙы ижад иткән йырҙар айырыуса йөкмәткеле һәм халыҡсан. “Арҡайым”, “Мәктәп вальсы”, “Саралар юҡ” һәм башҡа популяр йырҙары тиҫтә йылдар инде йырсыларҙың репертуарынан төшмәй, табындарҙа ла йыш яңғырай. Үҙе иҫән саҡта нәшер ителгән йырҙар, пьесалар һәм балалар өсөн шиғырҙар йыйынтыҡтары ла тиҙ арала таралып, күптән инде һирәк осраған китаптар исемлегендә йөрөй. Кешеләргә бик иғтибарлы булды ул, бигерәк тә яҡташтарын һәр ваҡыт тартып торҙо. Әбйәлил һылыуҙарының күбеһен ҡыҙым тип йөрөттө, ә миңә шәхсән килен тиер ине. Улай тиеүенә башта сәйерһенеп тә йөрөнөм, аҙаҡ үҙенән һорашып белештем. Баҡтиһәң, Амангилде ауылына эшкә барғас, ҡәйнәмдең әсәһенә йортҡа инеп, бергә-бергә татыу көн иткәндәр, шуға ҡан туған булмаһалар ҙа, бер-береһен ғүмер буйы яҡын күргәндәр. Зөһрә Хәдит ҡыҙы уҡыусыһы, шағирә Рәзилә Рысҡужина менән берлектә “Йөрәк һүҙе” республика шиғыр һөйләү бәйгеһендә лә ҡатнашты, тамашасыларҙың күбеһе ижади күңелле был ике шәхесте әсәле-ҡыҙлы тип ҡабул итте һәм әле лә шулай тип уйлаусылар йыш осрай.
Зөһрә Фәйзулина Башҡортостан Республикаһының атҡаҙанған уҡытыусыһы, Рамаҙан Өмөтбаев, Ким Әхмәтйәнов, Хөсәйен Әхмәтов исемендәге премиялар лауреаты. Быйыл Башҡорт дәүләт опера һәм балет театры менән берлектә Драматургтар мәктәбе ойошторған ижади лабораторияларҙа әүҙем ҡатнашты, либретто яҙам тип дәртләнгән ине. Әммә, күктәр, күрәһең, икенсе төрлө хәл иткән, көтмәгәндә Зөһрә апай беҙҙе ташлап китте. Китте тип әйтеү дөрөҫ тә булмаҫ, улы, ейәндәре, йәнә лә үҙе әҙерләп халҡыбыҙҙың рухиәте һағына һалдаттай баҫтырып киткән бик күп уҡыусылары ҡалды.
Гөлнара Хәлфетдинова.
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66