+7 °С
Болотло
Бөтә яңылыҡтар
Дөйөм мәҡәләләр
17 Ноябрь 2020, 15:05
Контузия
Батальон ниндәйҙер ҡала янында туҡтаны. Ҡаланың бер нисә урынында ҡуйы төтөн күтәрелә, шартлау тауыштары, автомат тыҡылдағаны ишетелеп ҡала. Алыш барғанына шик юҡ. Ләкин һалдаттарҙың быға әллә ни иҫе китмәй – аслыҡтан тамам шашыр хәлгә еттеләр.
Батальон ниндәйҙер ҡала янында туҡтаны. Ҡаланың бер нисә урынында ҡуйы төтөн күтәрелә, шартлау тауыштары, автомат тыҡылдағаны ишетелеп ҡала. Алыш барғанына шик юҡ. Ләкин һалдаттарҙың быға әллә ни иҫе китмәй – аслыҡтан тамам шашыр хәлгә еттеләр. Ялан ашханаһы килергә тейеш тиһәләр ҙә, уныһы юҡ та юҡ. Майор Панкратов юл буйына рация аша кемдәрҙелер һүкте, ләкин теге остағылар бар тип тә белмәне, шикелле. Юғиһә, вертолет менән аҙыҡ-түлек килтереп китергә була ине бит. Асығыуҙан асыуҙары ҡабарған һалдаттарға һүҙ әйтерлек түгел, енләнергә торалар. Бер нисә һалдат “Урал”ға ултырып, тирә-яҡты байҡап килергә булды. Улар оҙаҡламаны, кире килеп етеү менән машина кузовынан бер һыйыр һөрәтеп төшөрҙөләр. Яланда йөрөгән малды атып алғандар икән. Шундуҡ уның тиреһен тунап, итен киҫәктәргә бүлгеләп ташланылар. Тиҙҙән һауаға тәмле еҫ таралды. Аштың бешеп сығыуын сабырһыҙлыҡ менән көткән һалдаттар, ашнаҡсының, обед әҙер, тип ҡысҡырыуын ишеткәс тә уның эргәһенә ябырылды. Ашнаҡсы иң башта “ҡарт”тарҙың, шунан “дух”тарҙың котелогына арыу ғына ит киҫәге һалып, һурпа ҡойоп сыҡты. Ашап алғас, һалдаттарҙың ғына түгел, майорҙың да кәйефе күтәрелде:
Радист килеп, майорҙы телефонға саҡырыуҙарын әйтте. Тиҙҙән һалдаттарға теҙелергә ҡуштылар. Панкратов, саф алдына сығып, барыһын да күҙҙән үткәрҙе, һәм:
Шул саҡ әсе һыҙғырып, баш осонан биш-алты самолет осоп үтте. Бер аҙҙан ҡала өҫтөндә ялҡын кәбәндәре күтәрелде.
Танкыларҙың, БТР-ҙарҙың артына ышыҡлана-ышыҡлана ҡалаға инделәр. Ярым емерек бер йорттоң стенаһына эре хәрефтәр менән “Тамуҡҡа рәхим итегеҙ!” тигән яҙыуҙы шәйләне Азамат. Ысынлап та, тамуҡ ине бында. Артиллериялар, самолеттар ҡаланы арыу ғына утҡа тотҡан, имен йорт ҡалмаған тиерлек.
Ике-өс саҡрым барҙылармы-юҡмы, ҡапыл шартлау тауыштары ҡолаҡтарҙы тондорҙо, автоматтар телгә килде. Боевиктар йорттарҙың тәҙрәһенән гранатометтарҙан бәрә ине. Азамат кемдеңдер йән асыҡҡа ҡысҡырғанын ишетеп боролғайны, тыпырсынып ятҡан Сәфәровты күреп, тиҙ генә уға ярҙамға ашыҡты. Егетте ышыҡ урынға һөйрәп килтерҙе. Сәфәров ялбарғандай Азаматҡа текләгән, ауыҙынан ҡан килә, тәне тартыша.
Атыу тауыштары көн буйына тынманы. Шулай ҙа һалдаттар, йорттан-йортҡа күсеп, дошманды сигенергә мәжбүр итте.
Алыш туҡтап торған арала Егошин бер нисә һалдат менән эргә-тирәләге йорттарҙың аҫтындағы емерек магазиндарға барып, унлап шешә араҡы, аҙыҡ-түлек алып килде. Әле генә булып үткән бәрелештән ҡобараһы осҡан һалдаттар йәнләнеп китте.
Ысынлап та, иҫерткес эсемлекте уның бер тапҡыр ҙа тәмләп ҡарағаны юҡ ине.
Шарҡылдап көлөргә тотондолар. Азамат өндәшмәне.
Азамат бер Егошинға, бер иптәштәренә ҡараны һәм, кружканы алып, төбөнә тиклем түңкәреп ҡуйҙы.
Азаматҡа рәхәт булып китте. Башына һыймаған ҡурғаштай ауыр уйҙары ошо утлы эсемлектең ялҡынында иреп аҡҡандай тойолдо. Ҡала урамдарындағы ҡот осҡос күренештәр, ҡанға батҡан мәйеттәр юғалып, тыуған ауылының тау-урмандары, хәтфә болондары, көмөш шишмәләре, ҡәҙерле әсәһе күҙ алдына килде. Ҡул болғап торған Сәлимәне күреп, йылмайып ҡуйҙы егет. Армияға килгәне бирле ҡыҙға әллә нисә тапҡыр хат яҙҙы ул, ләкин береһен дә ебәрмәне. Кеҫәһендә йөрөтә.
Шул тиклем рәхәтлек солғап алды егеттең күңелен. Әйтерһең, һуғыш та, үлеш тә юҡ. Хатта ара-тирә яңғырап ҡуйған шартлау, автомат тыҡылдаған тауыштар ҙа уны татлы хистәренән бүлә алманы...
Ҡапыл эргәлә генә снарядтар төшөп ярылды. Ҡот осҡос мәхшәр башланды. Егошин ҡысҡырып ебәрҙе:
Ысынлап та, ҡала эргәһендәге ҙур булмаған сопканан артиллеристар ут асҡайны. Кемдәрҙер һауаға бер нисә ракета атҡас ҡына снарядтар боевиктар урынлашҡан яҡҡа төшөп ярыла башланы. Артиллериялар уты тыныу менән рота командирының бойороғо яңғыраны:
Һалдаттар йорттарға ышыҡлана-ышыҡлана һөжүмгә күсте.
Бындай саҡта башыңа бер ниндәй уй килмәй икән. Әле генә тыуған яҡтарында “йөрөгән” Азаматтың да татлы хыялдарын ел өрөп осорғандай булды. Күңелендә бер ниндәй шом да, ҡурҡыу ҙа юҡ, хатта үлем тураһында ла уйламай ул. Бары тик пуляларҙың шап та шоп стенаға бәрелеүе, гөрһөлдәүҙәр, һалдаттарҙың һүгенеп ҡасҡырыуы ғына ҡолағына салына. Алда барған БМП-ның гөлтләп тоҡаныуын күрҙе Азамат. Уның артҡы люктары асылып, ҡара төтөн бөркөлдө, ләкин берәү ҙә сыҡманы. Хәҙер шартлаясаҡ!.. Егет хәрби техникаға табан йүгерҙе. Эстәге төтөн араһында бер нәмә күрерлек түгел. Шулай ҙа һәрмәнә-һәрмәнә берәүҙе табып, тартҡылап сығарҙы. Уның рота командиры икәнен таныны. Азамат тағы БМП эсенә уҡталды һәм... күҙ алдында ҡапыл ялтлаған ут көлтәһен генә күреп ҡалды...
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66