+7 °С
Болотло
Бөтә яңылыҡтар
Дөйөм мәҡәләләр
13 Март 2020, 21:30
БӘХЕТҺЕҘЛЕГЕМ МЕНӘН ДӘ БӘХЕТЛЕ МИН ДОНЪЯЛА!
Эй, кешем!..Тормош иҫ китмәле матур, тиҙәр,Ул әкиәтте кемдәр асҡандыр,Әҙәм менән Һауа ҡауышыуҙанТыныс көндәр ҡайҙа ҡасҡандыр?.. Донъя иҫ киткес матур! – килешәм,Ә ҡалғаны уның уйҙырма...Тормош юлың матур булһын тиһәң,Юлдарыңа ҡапҡан ҡуйҙырма!#Ағиҙелжурналы #шиғриәт
Зөфәр ВӘЛИТ
Эй, кешем!..
Тормош иҫ китмәле матур, тиҙәр,
Ул әкиәтте кемдәр асҡандыр,
Әҙәм менән Һауа ҡауышыуҙан
Тыныс көндәр ҡайҙа ҡасҡандыр?..
Донъя иҫ киткес матур! – килешәм,
Ә ҡалғаны уның уйҙырма...
Тормош юлың матур булһын тиһәң,
Юлдарыңа ҡапҡан ҡуйҙырма!
* * *
Мөнбәрҙәрҙә хөкөм һөрә
Йыртҡыстар хакимлеге!
Кемгә генә оҡшар икән
Балалар йәтимлеге?..
Тормош – көрәш, яу яланы, тиеп
Күрһәталһаң ҡылған эшеңде,
Ышаныр ҙа инем, тик һинең дә
Ҡойғандар бит аҙау тешеңде...
Асыш, имеш…
Күрәсәкте күреп киләм
Ғүмерем үрҙәрендә.
Ай нурылай яҡты һағыш
Күңелем түрҙәрендә.
Йәш саҡтарҙа илле йәш тә
Бик күп күренә ине.
Алтмышты ҡыуып еткәндә
Илле сүп кенә ине...
Кеше донъя ҡыуған саҡта
Күңел бирешмәй икән.
Тик, ниңәлер, “мин йәш” тиеп
Йөрөү килешмәй икән.
Етмешемде ҡыуып еттем,
Йылдар үтәләр икән,
Һикһәндә лә, туҡһанда ла
“Йәшләй” китәләр икән...
Матурлыҡ тыуҙырыусы шағирға
Күпме йөрөрһөң икән һин
Һағыр ярыңды эҙләп,
Эҫе йәйҙәреңдә туңып,
Һыуыҡ ҡыштарҙа теҙнәп?..
Һинең ерҙә йөрөүҙәрең
Хәйерлегә ҡоролған.
Шуға, ахыры, тормош һиңә
Арты менән боролған.
Алды менән торһа ла ул,
Һин барыбер үҙеңсә
Унан изгелек эҙләйһең,
Мәкер-хәйлә һиҙмәйсә...
Һине ергә Юғары Көс
Ебәргәне һиҙелә.
Иблис ярандарын күреп
Үҙәктәрең өҙөлә.
Ялҡынлы сығыштарыңдан
Күңелгә нағыш үрәм.
Йөрәгеңдең яҡтылығын
Моң-йырҙарыңда күрәм.
Шулай йөрөрһөң дә, йәнә
Ер ҡуй(ы)нына китерһең...
Тик һин үҙең булған ерҙе
Бер аҙ матур итерһең.
Нимә һуң ул бәхет?
Һандуғасыма
Нимә һуң ул бәхет, тимә,
Ул бит ябай ҡыуаныс,
Йәшәге килеп йәшәү ул,
Ул тағы ла – йыуаныс...
Ай(ы)рым-ай(ы)рым йәшәһәк тә,
Үкенмәйем тамсы ла,
Яратам, тигәс, яратам,
Хет һин тотоп ҡамсыла!
Һинән ниҙер кәрәк түгел,
Кәрәк иҫән булыуың.
Күктәргә, бәлки, кәрәктер
Минең иҫәр булыуым...
Мин бәхетле был донъяла
Барлығыңды тоялһам,
Хыял менән йоҡлап китеп,
Маҡсат менән уянһам...
Шағир өсөн...
Шағирға компас кәрәкмәй,
Компас – уның йөрәге...
Ер менән Ҡояш булғанда,
Улар уның терәге.
Ергә таянһа, шағирҙың
Буйы етә ғаләмгә –
Күктәге һәр йондоҙ әҙер
Әүерелергә ҡәләмгә.
Күк ситенә юл юҡ, тиҙәр,
Шағир өсөн юлдар бар...
Күңелендә шиғри моңдар
Яңғыратыр ҡылдар бар!
Шул ҡылдарға сиртер өсөн
Кәрәк зиһен киңлеге.
Булмаһын ине күңелдәр
Ҡара мунса төнлөгө...
Яңы йылға инеп барғанда
Яңы йылға инеп барған саҡта
Үткәндәргә бағам әйләнеп.
Үткән – үткән тимә, йөрәгемә
Мөхәббәтем килә бәйләнеп.
Уны нисек ҡалдыраһың инде?
Мөмкин түгел уны ҡалдырыу!
Яңы йылға мөхәббәтһеҙ инеү –
Үҙ-үҙеңде утта яндырыу...
Мөхәббәт ул – шундай серле бер йән,
Йөрөй белмәй бит ул ҡытҡылдап, –
Йә ул һинең йөрәгеңдә бара,
Йә ул бара һине ҡултыҡлап!
Тормош – илаҡ бала
Йәш-елкенсәк һуҡмағына
Ҡарамайым көнләшеп.
Бөгөн дә көн үтер, ахыры,
Күңел менән һөйләшеп.
Бөтөнөһө ваҡытлыса,
Уйлаһаң, уй бөтмәҫлек,
Ер шары ла күсәренән
Һис ысҡынып китмәҫлек...
Беҙ китербеҙ, тормош китмәҫ,
Ул бит – илаусы бала...
Беҙҙән шул илаҡ балаға
Йыр менән донъя ҡала.
Эттәр һәм бүреләр
Бәхетме ул беҙҙең йәшәү
Был йәмғиәт төрмәһендә?
Мин бында теләп килмәнем,
Сит-ят эттәр өрмәһен дә!
Мин бүреләр өйөрөндә,
Һәр бүре үҙ урынында:
Үткәрәбеҙ етеһен дә,
Үткәрәбеҙ ҡырығын да...
Эт ҡайҙа ла эт инде ул,
Һәр йортта бер эт бейер,
Ә бүреләр өйөрөндә
Һәр бүрегә бер өйөр!
Бүре олоғанда, эттәр
Ҡойроҡтарын ҡыҫып тора.
Ә баш бүре үҙ өйөрөн
Ҡайҙа кәрәк, шунда бора.
Тик тәбиғәт ҡанунына
Буйһоналар аҡ бүреләр.
Шуға улар бер өйөрҙә,
Шуға улар гел тереләр...
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66