Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
4 Февраль 2020, 17:27

Эрдоғанға нимә булған ул? Ут күршебеҙ Киевҡа барып сыҡҡайны.

Ишеттегеҙме, Рәжәп Эрдоған рәсми сәфәр менән Украинаға барған, Зеленский менән осрашҡан, уларға оҡшаған һүҙҙәр һөйләгән.Бына һиңә, мә! Кисә генә дуҫ булып Сүриәлә террорсыларҙы еңеп йөрөй инек, бөгөн Украина менән бәйләнештәр урынлаштыралар.Һөйләшеүҙәренә, осрашыуҙарына түҙер инек, кем теленән тартҡандыр, Эрдоған бей почетлы ҡарауыл эргәһенән үткәндән һуң “Слава Украине!” – тип һөрәнләгән. Бандеровсы фашистарҙың ҡотлауын тегеләре “Героям слава!” – тип яуаплаған.

Әлбиттә, Эрдоған менән Зеленский Ҡырымды, ҡырым татарҙарының хәлен тикшергән. Тегеһе шыңшығанлыр, быныһы йыуатҡандыр, хатта Эрдоған Ҡырымдан ҡотолған ҡырым татарҙарына Херсон өлкәһендә йорттар төҙөп бирергә вәғәҙә иткән.
Шулай инде, газ юҡ тигәйнеләр, газ үткәргес һуҙҙыҡ, помидорыбыҙ серей, тигәйнеләр, йөҙәр мең тонна һатып алабыҙ, ял итеүселәр етмәй, тип зарланғайнылар, чартер яллап туристарыбыҙҙы ҡыуҙыҡ. Мөнәсәбәттәрҙе һаҡлар, дуҫлыҡты нығытыр өсөн хәҙер өлгәшелгәндәрҙән баш тартырғамы инде?
Көнсығыш – бик нескә эш, тип юҡҡа әйтмәгәндәр. Беҙ быға тағы бер тапҡыр инандыҡ.
Фото авторы: Автор: Адміністрація Президента України, CC BY 4.0, https://commons.wikimedia.org/w/index.php?curid=75913245