Бөтә яңылыҡтар
Дөйөм мәҡәләләр
2 Февраль 2020, 15:22

“Гөлбостан”. Ул һеҙгә “Зөләйха” йә “Бәхет хаҡы” түгел.

Кисә Башҡорт дәүләт академия драма театрында Ҡадир Даяның “Таңсулпан” драмаһы буйынса ҡуйылған инсценировкаһы булды. Рәсәйҙә билдәле режиссерҙарҙың береһенә әйләнгән Айрат Абушахмановтың сираттағы эше ҡыҙыҡһыныу тыуҙырмай ҡалмай. Текстың ҡайһы бер ҡыйыш-мыйыш урындарын иҫкә алмағанда, тамаша ҡыҙыҡлы ғына фекерҙәр уята. Сәхнә геройҙарының береһенең: “Мин химпром балалары поколениеһынан”, – тигән һүҙҙәре ҡолаҡҡа бер ҙә ятманы.

“Гөлбостан” бик етди әҫәр, уны ҡарағанда ҡулъяулыҡ талап ителмәй, йәки илап тормаһағыҙ ҙа була. Бөгөн премьера икенсе тапҡыр күрһәтелә, уны ҡарарға теләүсе бәхетлеләргә бер нисә кәңәш – килер булһағыҙ, йылыраҡ кейенегеҙ, гардеробҡа кейемдәрегеҙҙе тапшырып тормаһағыҙ ҙа була. Сөнки бик өшөп китһәгеҙ, аҫҡа төшөп йылыныр өсөн ҡайнар сәй бар, ләкин тәнәфес юҡ.
Белеүегеҙсә, академтеатрҙың төп йортонда йүнәтеү эштәре бара, премьера Туҡай урамы яғындағы Фәйзи Ғәскәров ансамбленең тамаша залында булды. Ә был залдың күптән кеше төҫө күрмәгәне һиҙелеп тора: ыҡсым, уңайлы, ләкин һыуыҡ. Ҡыҫҡаһы, үҙегеҙ хәл итегеҙ: “Гөлбостан”ды ҡарау бер өшөүгә генә торороҡ.