Бөтә яңылыҡтар
Дөйөм мәҡәләләр
18 Декабрь 2019, 16:49

Ҡайҙа ялған араҡы етештергәндәрен беләһегеҙме? Килеп алығыҙ, һеҙгә 50 мең һум тейеш.

Йыл башында Республика Башлығы Радий Хәбировтың тәҡдиме менән ялған араҡы етештереүгә һәм һатыуға ҡаршы көрәш үҙенең тәүге ыңғай һөҙөмтәләрен бирҙе. Ялған араҡы етештереүсе 8 цех ябылған, 70 мең литр суррогат араҡы тартып алынған һәм юҡ ителгән. Иң мөһиме, араҡы эсеп ағыуланып үлеүселәр һаны, былтырғы осор менән сағыштырғанда, 115 кешегә кәмегән.

Республика етәкселеге был көрәште дауам итергә һәм иң әүҙемдәрҙе дәртләндерергә теләй. Ялған араҡы етештереүсе цех хаҡында хәбәр итеүсегә 50 мең һум, ә араҡы һатыусы хаҡында мәғлүмәт өсөн 2 мең һумға тиклем түләү ҡаралған. Властар мәғлүмәт авторҙарының исемдәрен сер итеп тотасаҡ һәм түләйәсәк.
Ошо хаҡта 8(347)-218-09-87 телефоны аша эш көндәрендә иртәнге 9-ҙан киске 7-гә тиклем хәбәр итергә мөмкин.