Бөтә яңылыҡтар
Дөйөм мәҡәләләр
10 Декабрь 2019, 10:05

Абруй-рейтинг тәҡдим итә: ЙЫЛ ҺАЙЛАУЫ.

Йыл һайлауы.

Күпселек Радий Хәбиров өсөн тауыш бирҙе.
Быйыл Башҡортостан башлығын һайлау кампанияһында һигеҙ кандидат ҡатнашты һәм көсөргәнешле көрәштә һайлаусыларҙың 82 проценттан ашыу тауышын йыйып, Радий Хәбиров еңеп сыҡты. 2018 йылдың 11 октябрендә Рәсәй Президенты Владимир Путин Указы менән Башҡортостан Башлығы вазифаһын ваҡытлыса башҡарыусы итеп тәғәйенләнгән Радий Хәбиров 11 ай эсендә бығаса өмөтһөҙлөктән йоҡомһораған, торғонлоҡҡа дусар ителгән, киләсәге лә, маҡсаты ла булмаған республиканы уятып ебәргән һымаҡ булды һәм бары тик берҙәмлек, ныҡышмалылыҡ, тырыш хеҙмәт менән генә тормошҡа ашырырлыҡ бурыстар билдәләне. Ниһайәт, республикаға халыҡ ихтыяжын белгән, талапсан, кәрәк булһа, ҡаты ҡуллы, тынғыһыҙ, егәрле башлыҡ етәкселек итә. Беҙҙең бурысыбыҙ – уға таяныс булыу, ярҙам итеү, республика алдында торған проблемаларҙы күмәк көс менән хәл итеү.