Ағиҙел
-15 °С
Болотло
75 лет Победы
Бөтә яңылыҡтар
Дөйөм мәҡәләләр
5 Декабрь 2019, 10:25

Таңһылыу Ҡарамышева

Күк юлынан был көҙҙө ләАлып китте торналар.Ваҡыт уҙғанын аңлатмай,Их, саҡ ҡына торһалар!

Таңһылыу ҠАРАМЫШЕВА
Торналар
Күк юлынан был көҙҙө лә
Алып китте торналар.
Ваҡыт уҙғанын аңлатмай,
Их, саҡ ҡына торһалар!
Торналарҙай торҡолданы,
Иләҫләнде күңелем.
Торна түгел, үтте ләһә
Йәнә лә бер миҙгелем!
Эй бәндәүи кисерештәр...
Торҡолда, кейек торнам!
Һулҡылда ни, һулҡылдама, –
Донъя торғансы тормам!
Бер миңәме, ана лаһа
Тором юҡ торнаға ла,
Бейек осмаған сағында,
Торыйҡ, тип тормаһа ла!
Мәңге йәшәрҙәй булабыҙ,
Күктәр аяҙ торһалар.
Йәнгә татлы торҡолдағын
Биреп китә торналар...
Читайте нас в