+12 °С
Ямғыр
Бөтә яңылыҡтар
Дөйөм мәҡәләләр
5 Декабрь 2019, 12:25
Мар. Сәлим
Бер мәл шулай ең һыҙғанып яҙыусылыҡ эшенә тотондом. Көндәрен генә түгел, төндәрен дә яҙышып үткәрҙем. Ултыра торғас, төнгө өстәр етә. Әсәйем уяна ла:— Ниңә һаман ятмайһың, төн убыры! — тип әрләй башлай. — Нишләп ултыраһың?Ә мин, уны тынысландырыр өсөн, алдайым:– Мәсьәлә сыҡмай, бик ауырын биргәндәр, — тим, өй эштәрен көндөҙ үк эшләп ҡуйһам да. — Бер аҙ ултырайым инде. Ун ике лә тулмаған бит әле.
Йәшлек бәләһе
Бер мәл шулай ең һыҙғанып яҙыусылыҡ эшенә тотондом. Көндәрен генә түгел, төндәрен дә яҙышып үткәрҙем. Ултыра торғас, төнгө өстәр етә. Әсәйем уяна ла:
— Ниңә һаман ятмайһың, төн убыры! — тип әрләй башлай. — Нишләп ултыраһың?
Ә мин, уны тынысландырыр өсөн, алдайым:
– Мәсьәлә сыҡмай, бик ауырын биргәндәр, — тим, өй эштәрен көндөҙ үк эшләп ҡуйһам да. — Бер аҙ ултырайым инде. Ун ике лә тулмаған бит әле.
Әсәй сәғәткә ҡарай ҙа:
— Ярар, улайһа, — ти. Аңламай минең хәйләне! Ә ул бик ябай ғына: сәғәттең уҡтарын артҡа күсереп ҡуям.
Әсәйем йоҡлап китә, мин яҙыуымды дауам итәм. Шулай яҙа торғас, бер айҙа повесть драма, поэма һәм әллә күпме хикәйә, шиғыр әтмәләп ташлағанмын. Инде эш бик аҙҙа — яҙыусыларға күрһәтәһе лә баҫтырып сығараһы ғына!
Шундай уй менән, яҙғандарымды тоҡсайға һалып, Өфөгә юл тоттом. Бына мин башҡала үҙәгендәге оло йорттоң дүртенсе ҡатына менеп еттем. «Яҙыусылар союзы» тигән яҙыу ҡуйылған ишекте астым. Әҙәби консультант булып эшләүсе Әсғәт Мирзаһитов ағай асыҡ йөҙ менән ҡаршы алды:
— Әйҙә, туған, уҙ. Йә, ни йомош?
Тартынып ҡына, ҡулъяҙмаларымды уға һондом.
— Тә-әк, — тине Әсғәт ағай, «әҫәр»ҙәргә күҙ йүгертеп. — Улай икән... — һәм ҡапыл һорап ҡуйҙы: — һиңә нисә йәш һуң әле?
Нимә тиергә белмәнем. Дөрөҫөн әйтһәм, ун ике йәшлек яҙыусының башы ни ҙә эше ни тип кенә уйлаясаҡ. Шуға күрә тоттом да:
— Ун ете! — тинем.
Әсғәт ағай, ышанырғамы, юҡмы тигәндәй, башын сайҡап торҙо ла:
— Ай-Һай, ҡустым, йәшһең икән әле, — тине. — Яңынан ун ете йыл йәшәмәйенсә яҡшы әҫәр яҙыу мөмкин дә түгел. Тә-әк.. Унан повестан түгел, ә бәләкәйерәктән, әйтәйек, хикәйәнән башларға кәрәк. Тәүҙә бит төҙөүсе лә бәләкәй ағас өйҙәр һала, унан һуң ғына таш йорттар төҙөүгә күсә.
Яҙыусылар союзына тейәп килгән йөгөмдө күтәреп ҡайтып киттем. Ә икенсе йылды, Әсғәт ағайҙың кәңәше буйынса, хикәйәләр, шиғырҙар алып килдем. Әммә был юлы ла ярап булманы уға.
— Тә-әк, туған, ҡыҫҡараҡ яҙ, ҡыҫҡараҡ, — тип ебәрҙе.
Шунан миниатюралар яҙа башланым һәм быйыл бына уларҙы тотоп йәнә Әсғәт ағай янына барҙым.
— Тә-әк, Марсель туған, яҙыусы булып буламы? — тип, ғәҙәтенсә, асыҡ сырай менән ҡаршыланы ул. Ә миниатюраларымды уҡығас, былай тине: — Алға китеш бар. Тик һаман шул бер балыҡ башы: ҡыҫҡараҡ яҙырға тырыш. Аҙ һүҙ менән күп фекер әйтергә кәрәк. Ваҡыты еткәс, уның серен өйрәнерһең, әлбиттә. Их, туған, башың йәш шул әле.
Әсғәт ағай «башың йәш» тип, һаман йөрәккә ут һала. Ҡолаҡтан тартып ҡына ҙур үҫеп булмай шул. Белмәйем, ни эшләргә инде?
Әһә, таптым юлын! Алдағы йылда Яҙыусылар союзына һаҡал йәбештереп инәсәкмен. Әсғәт ағай минең «һаҡал»ды күрер ҙә: «Башы йәш түгел инде», — тиер. Ләкин шуға аптырап торам: миниатюраларҙан да ҡыҫҡараҡ нимә яҙып алып барырмын икән?
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66