Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
5 Ноябрь 2019, 17:57

Тәгәрмәс

“Ағиҙел” журналының ноябрь һанында Башҡортостандың халыҡ шағиры Тамара Ғәниеваның “Тәгәрмәс” поэмаһы донъя күрә.

“Ағиҙел” журналының ноябрь һанында Башҡортостандың халыҡ шағиры Тамара Ғәниеваның “Тәгәрмәс” поэмаһы донъя күрә.
ТӘГӘРМӘС
Башҡортостан илгә йөҙ йәш, тиме?
Башҡортостан илгә күп меңдәр.
Ана шуға Ер
Күк бәйләнешен
Зиһененә ҡартлас һеңдергән.
Тәгәрмәс был донъя.
Ҡуласаны Рух – сәкүшкә шыплай.
Хәрәкәт
Баҡыйлыҡҡа тартыр ҡөҙрәт көслө.
Имгәнеп тә ҡуя йәнә тере,
Эстәге сәм уяу, сәләмәт.
Тәгәрмәс ныҡ әле.
Бирешмәҫ ул,
Таймаһын тик өмөт, аң көсө.
Милли аңды әйтәм.
Юғалтмаһаң,
Онотмаһаң ерҙә кемлегеңде,
Киләсәкле, тимәк.
Һин – КЕШЕ.