һалсылар

Бер мәл... сама менән Алыпҡара ҡаяһына еткәс, һалыбыҙ дөбөр-шатыр итеп ҡалды, нимәләрҙер шарт та шорт һынып сыҡты...

Һалсылар

Көҙгө ташҡын мәле ине. Еҙем йылғаһы ярҙарына тулып, ажғырып аға. Ике туған ағайым йылға үрендә өйлөк бүрәнәләр әҙерләгән, шуларҙы һаллап алып ҡайтырға тип өс кеше киттек. Бүрәнәләрҙе йылғаға төшөрөп, өс кәшмәклек һал әҙер булғансы көн кискә ыңғайлай башланы. Бәлки, иртәгә иртә менән ҡуҙғалырбыҙ тип уйлағайныҡ та, тиҙерәк ҡайтыу теләге еңде. Киттек ҡуҙғалып. 10 – 15-ләп саҡрым араны бер ниндәй мажараһыҙ үттек. Ләкин ҡапыл ғына ҡараңғы төштө лә ҡуйҙы. Күҙгә төртһәң дә күренмәҫлек көҙгө төн. Һалды ярға яғып, таң атҡас ҡайтырға ла була ине, тик ағайым риза түгел: “Йылға үҙе алып ҡайта ул”, – ти.

Бер мәл... сама менән Алыпҡара ҡаяһына еткәс, һалыбыҙ дөбөр-шатыр итеп ҡалды, нимәләрҙер шарт та шорт һынып сыҡты... Бер нәмә аңларлыҡ түгел. Мейене бер генә уй телә: әжәлебеҙ ошонда икән... Бер аҙҙан ҡурҡыныс урынды сығып еттек, ләкин һалдың бер кәшмәге юҡ. Унда иң өлкән ағайыбыҙ ултыра ине. Үҙебеҙҙең ике кәшмәклек һалды нисек кәрәк ярға яҡтыҡ. Ағайым әйтә: “Мин ҡаҙыҡ ҡағып, һалды бәйләйем. Бар, аҡҡан кәшмәк артынан йүгер. Ярға яҡынлаһа, туҡтатырһығыҙ!”

Ҡап-ҡараңғы яр буйлап ҡысҡыра-ҡысҡыра йүгерәм, теге ағайҙың да тауышы тоноҡ ҡына ишетелеп ҡала. Ауылды үтеп киттек. Әллә нисә тапҡыр эләгеп барып төштөм. Хәл бөттө. Шулай ҙа ҡыуып еттем. Ташмороно тигән ергә еткәс, һалдың ярға яҡынлағанын самалап: “Ағай, һикер был яҡҡа. Ярға яҡын, йөҙөп сығаһың!” – тип яр һалам. Ул арала йылға һалды уртаға һөрәй башланы. “Һикер!”, “Һикер!” тип ҡысҡырам йән асыҡҡа. Һикерҙе ағайым. Ярҙың ҡайҙа икәнен бутамаһын өсөн, өҙлөкһөҙ ҡысҡырам. Ағайымдың ярға яҡынлағанын тойоп, күкрәктән һыуға төшөп, уны эләктереп алдым. Боҙҙай һалҡын һыу хәлен тиҙ алған, имгәкләп ярға сыҡты, бер һүҙ әйтә алмай...

Был ваҡиға бәлә-ҡазаһыҙ тамамланды. Аҙаҡ аҡҡан кәшмәк тә табылды, ике туған ағайым өй һалып та инде. Ләкин көҙҙәрен ауылға ҡайтҡан саҡта Еҙем йылғаһының ташҡан мәлен күргән һайын ошо ваҡиға иҫкә төшә. Хәйер, тормош үҙе лә ажғыр йылғала аҡҡан һалсыларҙы хәтерләтеп ҡуя...

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66