Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
22 Октябрь 2019, 04:59

Беҙҙең тормош “Санта Барбара” түгел шул. Аһ, саҡ ҡына түҙемле һәм кешелекле булһаҡсы!

“Ағиҙел” журналының сайтында 14 октябрҙә Ф. Ильясованың “Йөрәгең аҫтынан балаңды һурып алһындар әле” яҙмаһы донъя күргәйне. “Һеҙ – һуңланығыҙ, беҙ – ҡабаландыҡ...” яҙмаһы ошо теманы артабан да аса. Оран һалырлыҡ проблема: илдә тыуым кәмей, уның ҡарауы, йыл һайын 500-600 мең аборт эшләнә, шуның яртыһы, тип әйтерлек, ҡатын-ҡыҙ ихтыяры буйынса.

“Һеҙ – һуңланығыҙ, беҙ – ҡабаландыҡ” яҙмаһы ысынбарлыҡҡа, йәки булған ваҡиғаларға таянып яҙылған. Сит-ят, бығаса таныш түгел тема тип әйтеп булмаҫ. Үкенескә ҡаршы, йәш үҫмерҙәр араһында енси бәйләнештәр йылдың-йылы нығыраҡ тарала. Төп инстинкттан ҡотолоп булмай, тип еңел генә аңлатыр инек, үҙебеҙ ҙә һеҙҙең һымаҡ балалар үҫтерәбеҙ, тимәк, ҡайҙа барырға, кемгә мөрәжәғәт итергә белмәйбеҙ.
“Һеҙ – һуңланығыҙ, беҙ – ҡабаландыҡ” яҙмаһын дүрт-биш көн эсендә меңгә яҡын кеше уҡыны. Был мәсьәлә бик күптәрҙе борсой икән. Маҡсатыбыҙ шул, ифрат сетерекле мәсьәләне хәл иткәндә саҡ ҡына миһырбанлы, түҙемле һәм иғтибарлы булаҡ ине. Бәлки яҙмабыҙ, исмаһам, бер сабыйҙың ғүмерен һаҡлап ҡалыр. Үҫмерҙәргә ҡарата иғтибарлы булайыҡ.