Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
17 Октябрь 2019, 13:30

Беҙҙең Зәйнетдин бейеүҙәргә юл асты. Республика Башлығы иң яҡшы бейеүгә бүләк вәғәҙә итә.

Иң сағыу егеттәребеҙҙең береһе Заһир Зәйнетдинов Рәсәйҙең йөрәге булған Ҡыҙыл майҙанда башҡорт бейеүен башҡарып, барыһын да таң ҡалдырҙы. Был үҙенсәлекле бейеү республика Башлығы Радий Хәбировҡа ла оҡшаған. Башлыҡ видеоны ҡарағандан һуң иң үҙенсәлекле бейеүгә бүләк хаҡында иғлан иткән.

Радий Фәрит улы социаль селтәрҙәрҙә яңы флешмобтың шарттары менән уртаҡлашты. Бүләк шарттарын уртаҡлашыусылар төрлө урында бейеүҙәрҙе күрһәтә башлаған да инде. Мәскәү, Санкт-Петербург, диңгеҙ буйҙары... Республика Башлығының төп шарты – бейеү Башҡортостандан ситтә, йәки төбәктә булғанда ҡунаҡ менән башҡарылырға тейеш.
Радий Хәбиров: “Илдең йәки донъяның танылып торған урынында беҙҙең егеттәрҙең бейеүе миңә оҡшай. Улар берәүгә лә ҡамасауламай һымаҡ. Киреһенсә, кешеләр ҡыуана һәм фотоға төшөрә. Былай итәйек: иң матур бейеү өсөн бер нисә айҙан мин шәхси бүләгемде тапшырасаҡмын. Һылтанмаларығыҙҙы көтәм”, – тип белдерҙе.
“Ағиҙел” һәм “Һәнәк” журналдары сайттары мәғлүмәт спонсоры булыуҙы үҙ өҫтөнә ала.