Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
10 Октябрь 2019, 18:00

Башҡортостанда – байрам һулышы!

Башҡортостан Республикаһы көнө айҡанлы ҡалаларҙа һәм райондарҙа байрам саралары күпкә алда башланды. Махсус график буйынса сентябрҙән октябрҙең ундарына тиклем байрам алды йәрминкәләре, ағас ултыртыу һәм санитар өмәләр, тантаналы йыйылыштар, ветерандарҙы, хеҙмәт алдынғыларын ҡотлау саралары ойошторолдо.

Өфө ҡалаһында Башҡортостандың халыҡ шағиры Мостай Кәримдең тыуыуына 100 йыл тулыуға арналған “Халыҡ мәңгелек хәтерендәге шағир” әҙәби бәйгеһе 16 сентябрҙә башланды һәм 18 ноябргә тиклем дауам итәсәк.
Баш ҡаланың мәғариф учреждениеларында һәм мәҙәниәт усаҡтарында “Республикама дан йырлайым” ижади конкурсы бара.
Ә бөгөн Ҡала мәҙәниәт һарайында “Йәшә һәм сәскә ат, тыуған яғым!” байрам
концертын хеҙмәт ветерандары һәм хеҙмәт алдынғылары ҡараны.