Ағиҙел
-16 °С
Болотло
75 лет Победы
Бөтә яңылыҡтар
Дөйөм мәҡәләләр
3 Октябрь 2019, 00:08

Беҙҙекеләр Парижда нимә күрәләр икән? Тап ошо минуттарҙа Тамара Искәндәриә менән Ғәҙилә Бүләкова Париж еренә аяҡ баҫты.

Әгәр дөрөҫ булһа, Париж башҡорт әҙәбиәте вәкилдәренең күпләп килеүен 1812 йылғы Ватан һуғышынан һуң өсөнсөмө, дүртенсеме тапҡыр ғына күрә. Иң тәүҙә “Йәнтүрә хикәйәһе”н иҫкә төшөрәйек. Онотмаһағыҙ, был хикәйәлә Йәнтүрә исемле яугир француз яуына үҙенең ҡатыны менән китә. Ныу, үҙегеҙ беләһегеҙ, беҙҙең халыҡ хәләл ефетенән башҡа яу ҙа сапмаған.

Парижды заманында Мостай Кәрим, Назар Нәжми күргән, 70-се йылдарҙа Парижға барыу хоҡуғына Муса Ғәли менән Фәүзиә Рәхимғолова лайыҡ булған. Улар ҡайтҡас, бик йылы хәтирәләр яҙып ҡалдырғандар. Мәҫәлән, Фәүзиә Рәхимғолованан һорайҙар икән:
– Фәүзиә апай, һеҙгә Парижда иң нығы нимә оҡшаны? – Фәүзиә апай ике лә уйлап тормаған:
– Миңә Парижда иң нығы Муса Ғәли оҡшаны, – тигән.
– Ни өсөн? – тип һорауҙарына ул:
– Сөнки ул мине ҡарап, ҡултыҡлап ҡына йөрөттө. Әгәр ул ҡарамаһа, мин Парижда аҙашып ҡалыр инем, – тип яуап биргән.
Тамара Искәндәриә менән Ғәҙилә Бүләковаға шундай теләк еткерге килә: һеҙ ҙә бер-берегеҙҙе ҡарап ҡына йөрөтөгөҙ.
Читайте нас в