Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
2 Октябрь 2019, 12:24

Хәсән

Әбүзәрҙең хәтер һандығынан...

“Хәсән килә!..”
Бала саҡта саманан уҙып тәртип боҙа башлаһаҡ, “Хәсән килә!..” тип ҡурҡыта торғайнылар. Уны күргәнебеҙ ҙә юҡ, кем икәнен дә белмәйбеҙ, ләкин ҡурҡабыҙ. Өлкәндәр яман итеп әйткәс, ҡурҡыныс кешелер. “Ана-а, Хәсән килә!” тиһәләр, шомланып, тирә-яҡҡа ҡаранабыҙ, тиҙерәк һыпыртыу яғын самалайбыҙ...
Үҫкәс, Хәсәндең кем икәнен белдем. Баҡһаң, ҡотобоҙҙо алып торған ул кеше беҙҙең ауылдан 5-6 саҡрымда ятҡан Сәйетбаба ауылында йәшәй икән. Ул кеше аҡылға “бер төрлөрәк” булған, тиҙәр. Хәйер, бер тапҡыр ҙа күргәнем булмағас, өҙөп кенә әйтә лә алмайым.
Бер көн ауылда шомло хәбәр таралды: “Хәсәнде үлтергәндәр!” Ул юлда китеп барғанда машина менәнме, ат менәнме бәрҙертеп киткәндәр, ти.
Халыҡтың ауыҙында Хәсән генә: йәлләйҙәр, төкөтөп киткән кешеләрҙе һүгәләр, уны күреүселәр хәтирәләргә бирелеп, Хәсәнгә бәйле мәрәкә хәлдәрҙе иҫтәренә төшөрә...
... Донъяла тәртип бөттө. Малайҙар түгел, ағайҙар яман “шаяра”. Эх, Хәсән юҡ шул!..