Бөтә яңылыҡтар
Дөйөм мәҡәләләр
1 Октябрь 2019, 14:19

РӘСҮЛ СӘҒИТОВ НИНДӘЙ ФЕКЕРҘӘ?

«Башҡортостан энциклопедияһы» һәм «Башакадемкнига» мәғлүмәт-ағартыу үҙәге күренекле журналист, билдәле яҙыусы һәм йәмәғәт эшмәкәре, «Юлдаш» радиоһының бүлек етәксеһе, Рәсәй Федерацияһының атҡаҙанған мәҙәниәт хеҙмәткәре, Башҡортостандың атҡаҙанған матбуғат һәм киң мәғлүмәт хеҙмәткәре, Ш. Хоҙайбирҙин исемендәге премия лауреаты Рәсүл Сәғитовтың рус телендәге «Такого я мнения» публицистик һәм әҙәби йыйынтығын баҫтырып сығарҙы.

Унда авторҙың үткерлек, аныҡлыҡ, сағыулыҡ, тормош миҫалдарына таяныу, һутлы образлы тел менән айырылып торған үҙенсәлекле яҙмалары — ижтимағи-сәйәси өлкәләге иң ҡырҡыу мәсьәләләр, журналистика, тел буйынса фекерҙәре, интервьюлары, хикмәтле хикәйәләре, тормоштан күҙәтеүҙәре һәм башҡалар урынлаштырылған.
Рәсүл Сәғитов башҡорт һәм рус телдәрендә емешле ижад итә, был уның һигеҙенсе китабы.