-9 °С
Ҡар
Бөтә яңылыҡтар
Дөйөм мәҡәләләр
17 Сентябрь 2019, 10:38
Ҡунаҡ булһаң...
Әбүзәрҙең хәтер һандығынан
ҠУНАҠ
Һигеҙ йәш самаһы булғандыр. Бер көн эсем бошоп торғас, туҡтале, күрше ауылдағы әбейемдәргә ҡунаҡҡа барып киләйем тип, инәйемә әйттем дә сығып киттем.
Мине күргәс, әбейем эй ҡыуанды, шундуҡ самауырына йәбеште. Бигерәк тә уның улы, минән бер йәшкә бәләкәй ҡустымдың түбәһе күккә тейҙе: уйнарға иптәш табылды бит. Донъя хәлдәре тураһында сөкөрҙәшә-сөкөрҙәшә сәй эсеп алғас, әбейем үҙ эшенә тотондо, беҙ үҙ мәшәҡәтебеҙгә сумдыҡ.
Уйын менән була торғас, кис еткәнен дә шәйләмәй ҡалғанбыҙ. Әбейем киске табынға саҡырып һөрәнләй икән. Ҡунаҡ әҙәбен һаҡлап, мул һыйлы өҫтәл янына тыйнаҡ ҡына барып ултырҙым. Алһыуланып ятҡан бәрәмәстәр, майлы ҡоймаҡтар, баллы бауырһаҡтар күҙҙе ҡыҙҙырһа ла, ризыҡҡа үрелмәйем, сабыр итеп, ҡыҫтағандарын көтәм. Күргәнем бар, ҡунаҡ халҡы ҡыҫтағанды ярата ул.
Йомарт әбейем ни, шуны һиҙгәндәй, ашап ултыр, улым, бына бынауһын ауыҙ ит, бынауһын ҡап, тип алдыма тәм-томдо өйә генә. Бер каса сәйҙе бушатып ҡуйҙым, икене... өстө... Ҡорһаҡ тулғанын белдереп, кикертеп ебәрһә лә, күҙ туймай, ҡәһәрең. Етмәһә, әбейем, ҡана, тағы яһайым, тип өлтөрәп тора. Ярай, өсәү һыйған ергә дүртәү ҙә һыйыр, тим эстән. Бындай тәғәм тағы ҡасан эләгә әле!..
“Әппәр” итеп, рәхмәт әйтеп, аш табынынан торғас: “Ярай, балалар, йоҡлағыҙ”, – тип әбейем урын йәйеп бирҙе. Арығас ни, ятыу менән йоҡлап та киткәнмен.
Бер мәл... ниндәйҙер рәхәт йылылыҡтан күҙҙе асып ебәрҙем дә, һәрмәнеп ҡарағайным, ҡотом осто – аҫтым “күл” булған да ҡуйған. Һикереп торғанымды һиҙмәй ҙә ҡалдым. Нимә эшләргә? Таң саҡ беленә башлаған. Тауыш-тын юҡ, барыһы ла йоҡлай, күрәһең. Әбейемдәр уянһа, уларҙың күҙенә нисек ҡарармын?
Шым ғына урамға сыҡтым да ауылым яғына һыпырттым. Үҙ-үҙемде әрләй-әрләй йүгерәм: “Убыр! Аскернә! Тамағың арҡаһында, ана, ниндәй оятҡа ҡалдың!” Шулай ҙа күңелде йыуатҡан булам: ярай әле әбейем урынды соланға алам-һалам йәйеп һалған. Ҡунаҡ тип, теге түрбашта торған карауаттағы күпмәгә ятҡырған булһа!..
Ошо ваҡиға миңә ғүмерлек һабаҡ бирҙе. Аш өҫтәле янында ғына түгел, башҡа осраҡтарҙа ла нәфсене аҙҙырмаҫҡа тырышам – аҫтың “күл” булып ҡуйыуы бар!
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66