Бөтә яңылыҡтар
Дөйөм мәҡәләләр
15 Август 2019, 14:49

Рәсәйҙә яңы тыуған сабыйҙар һаны 8,3 процентҡа кәмегән. Ярты йылда Ишембай, йә Күмертау ҙурлығы бер ҡала иҫәптән төшөп ҡалған.

Рәсәй Хөкүмәте демографик көрсөктән сығыу өсөн яңынан-яңы дәртләндереү саралары күрә. Хәҙер өс һәм унан күберәк бала тәрбиәләгән ғаиләләр дәүләт ярҙамын ала, торлаҡ өсөн ипотека судсидиялана, тәүге түләүгә компенсация бирелә. Ләкин был саралар бөгөндән ыңғай һөҙөмтә бирмәй. Ошо йүнәлештә артабан да ныҡышмалы эшләү талап ителә.

Росстат мәғлүмәттәренә ҡарағанда, 2019 йылдың тәүге яртыһында 719 мең бала тыуған. Был һан, былтырғы ошо осор менән сағыштырғанда, 63,1 меңгә кәм теркәлгән. Ҡыҫҡаһы, Ишембай, йә Күмертау ҙурлығы бер ҡала иҫәптән төшөп ҡалған.
Шулай уҡ, ағымдағы йылдың алты айында 918 кеше үлгән. Былтыр, мәҫәлән, 946 мең кеше үлһә, быйыл – 3,1 процентҡа кәмерәк теркәлгән.
Социологтар билдәләүенсә, тыуымдың кәмеүенә йәштәрҙең ғаилә ҡороуҙы аҙаҡҡа ҡалдырыуҙары, никахтан баш тартыуҙары, һынамаҡҡа йәшәп ҡарауҙары һәм башҡа сәбәптәр ҡамасаулай. Быйыл, мәҫәлән, күпселек ҡатын-ҡыҙ тәүге балаһын – 26 йәштә, икенсеһен 30 йәштә тапҡан.
Читайте нас в