Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
15 Август 2019, 20:59

Әгәр дөрөҫ булһа, Эмиль туйға әҙерләнгән булған. Ә ни өсөн участка инспекторы үҙенә ҡул һалған һуң?

Төрлө сығанаҡтарҙан килгән мәғлүмәттәргә ҡарағанда, Эмиль бик шат йөрөгән һәм туйға әҙерләнеүе хаҡында һөйләгән. Уның һөйгәне егеттең тәҡдимен ҡабул иткән. Үкенескә ҡаршы, егет менән ҡыҙҙың аралары боҙола, ә тиҙҙән туйҙың өҙөлөүе хаҡында билдәле була. Юғарылағы фараз Эске эштәр органдары тарафынан таратылған һәм был фажиғәне ғаилә-көнкүреш сәбәптәренә һылтау теләге бар, ти ваҡиға менән таныш кешеләр.

Алда яҙыуыбыҙса, Башҡортостан буйынса Эске эштәр министрлығында былтыр ғына унлап кеше үҙенә ҡул һалды. Эш ауыр, яуаплылыҡ көслө, күптәр күтәрә алмай һәм эштән китергә мәжбүр. Өҫтәмә эшләүҙәр, туҡтауһыҙ ҡағыҙ тултырыу, етәкселәр баҫымын сағыштырмаса юғары эш хаҡы ла ҡаплай алмай. Һәр хеҙмәткәргә психолог беркетеп тә булмай.
Эмилдең һәләк булыуын полициялағы эш шарттарынан эҙләргә тәҡдим итеүселәр бар. Мәрхүм, инстаграмдағы кадрҙарҙан тыш, башҡа яҙыу ҡалдырмаған.
Мәрхүмдең яҡындарының ауыр ҡайғыһын уртаҡлашабыҙ һәм түҙемлек теләйбеҙ.
P.S. Уҡыусыларыбыҙҙың “лайк” билдәһе ҡуйыуын мәрхүмдең яҡындарының
ҡайғыһын уртаҡлашыу сифатында ҡабул итәбеҙ.