Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
15 Август 2019, 20:56

Эх, Хөкүмәт, артыҡ аҡсаңды ҡайҙа ҡуяһың? Халыҡ менән бер аҙ бүлешһәң ине.

Был һандарҙы күргәс, һеҙ, һис шикһеҙ, беҙҙең Рәсәй Хөкүмәте менән сикһеҙ ғорурланырға хаҡығыҙ бар. 2019 йылдың ғинуар-июль айҙарында федераль ҡаҙна профициты, йәғни, килемдең сығымдан күберәк булыуы, эске тулайым продукттың (ВВП) 3,4 процентын, аҡсаға күсерһәк, ике триллион һумдан артығыраҡ, тәшкил иткән. Бына ул һеҙ алып еткермәгән пенсия, балалар пособиелары, ҡаҙнаға эшләүселәрҙең эш хаҡы һәм башҡа түләүҙәр.

Үкенесле, Хөкүмәт үҙенең тоғро граждандары менән был триллиондарҙы бүлешергә теләмәй, мең сәбәбен табасаҡ: аҙыҡ-түлеккә, тауарҙарға хаҡтар артасаҡ, инфляция һикерәсәк, һатып алырға тауар етмәйәсәк һәм башҡалар, һ.б.
2019 йылдың ете айында килем 11,469 триллион булһа, сығым өлөшө 9,441 триллионға еткән. Аҡса түбәндәгесә бүленгән: социаль сәйәсәт – 2,884 триллион һум, дәүләт оборонаһы – 1,614 трлн. һум һәм дәүләт именлеге һәм хоҡуҡ һаҡлау эшмәкәрлеге – 1,026 трлн. һум.