Бөтә яңылыҡтар
Дөйөм мәҡәләләр
5 Июнь 2019, 11:26

Мәңге уңалмаҫ яраларҙың береһе. Оло Теләк фажиғәһенә – 30 йыл.

Утыҙ йыл элек “Адлер–Новосибрск” һәм “Новосибирск–Адлер” поездары икеһе бергә тамуҡ эсенә килеп инде һәм ҡот осҡос шартлауға дусар булды. 1284 пассажирҙың 575-е һәләк булды, 200-ләбе хәбәрһеҙ юғалды, 600 самаһы кеше тән йәрәхәттәре алды.

Кемдәрҙеңдер енәйәтсел яуапһыҙлығы арҡаһында юғары баҫымлы газ үткәргес тишелгән һәм газ тупланған, уларҙы хәҙер берәү ҙә хәтерләмәй. Ә бына аяныслы яҙмыш бер урында осраштырған поездар һәм уларҙың ҡорбандары мәңге уңалмаҫ яра, мәңге бөтмәҫ ҡайғы булып йөрәктәрҙе һыҙлатып тора.
Мәрхүмдәрҙең яҡындары, һәр йылдағыса, ҡайғы поезы менән һәләкәт урынына килде.
Матәм сараларында республика етәксеһе Радий Хәбиров ҡатнашты һәм мәрхүмдәрҙең яҡындары менән әңгәмәләште.