Бөтә яңылыҡтар
Дөйөм мәҡәләләр
29 Май 2019, 11:57

Йүгер, Луиза, йүгер! Тик үҙеңдән ҡаса алырһыңмы икән?

Салауат ҡалаһында дәүләт ҡарамағындағы банктарҙыңбереһенән 37 йәшлек Луиза Хәйруллина исемле ханым 23 миллион һум аҡса менәнзым-зыя юғалған. Бер үҙе түгел, ире һәм ике ҡыҙы менән. Фатирҙары буш, машиналарыюҡ.

Әлбиттә, аҡса барыһына ла кәрәк. Ошо айҡанлы, ун йылдар элек булған бер ваҡиға иҫкә төшә. Сыуаш республикаһында Шурман фамилиялы инкасатор 250 миллион һум аҡса менән ҡасҡайны. Мауыҡтырғыс, мажаралы кино ҡараған һымаҡ, бөтә ил Шурман өсөн янып-көйөп, күҙәтте. Ун көн дә үтмәне, тотолдо.
Әле лә шулай булыуы бик ихтимал, эҙләү һәм ҡулға алыу өсөн Эске эштәр органдары бар көсөн һаласаҡ. 23 миллион һум аҙ аҡса түгел, дәүләттекенә тейергә ярамай. Алыҫ ҡаса алмаҫ, тотолор. Үҙеңдән барыбер ҡасып булмай.
Беҙҙең фараз: аҡса урлаусылар ошо ике-өс көн эсендә тотолорға тейеш. Ә һеҙ нисек уйлайһығыҙ?


Фото: rock-cafe.info