Бөтә яңылыҡтар
Дөйөм мәҡәләләр
20 Май 2019, 12:59

Ябай халыҡҡа түләргә булһа, аҡса юҡ. Урларға кәрәкһә, өйөлөп ята.

Әгәр һеҙҙе тынысландырһа, шуны әйтә алабыҙ: АҠШ-та ла урлайҙар, ришүәт алалар. Американдарҙың 80 проценты коррупциянан йонсой икән. Ә хәҙер үҙебеҙҙекеләргә әйләнеп ҡайтайыҡ. Ике йыл элек РФ Эске эштәр министрлығының коррупцияға ҡаршы көрәш тармағы подполковнигы Захарченконы тотҡайнылар. Урланған аҡсаһы 8,5 миллиард һум, йәғни, бер нисә тонна тәшкил иткән, бының өсөн фатирҙың бер бүлмәһен сейф итеп ҡорған. Хәҙер уға 15 йыл төрмә, ярты миллиард һум самаһы штраф янай.

Захарченко ҡуйған 8,5 миллиард һумлыҡ рекорд оҙаҡ йәшәй алманы. Федераль именлек хеҙмәтенең әлеге лә баяғы коррупцияға ҡаршы көрәш өсөн яуап биреүсе хеҙмәткәрҙәре 40 кубометр, йәғни, 12 миллиард (12 000 000 000) һум менән фаш ителгән. Хеҙмәткәрҙәр был аҡсаны, ауылса әйтһәк, банктарҙан көсөкләткән. Исемлектә ҙур ғына банктар күренә, зыянды, әлбиттә, Хөкүмәт түләйәсәк, әйтәйек, беҙҙең кеҫәләрҙән һурып. Ришүәтселәр аҡсаны фатирҙарында һаҡлаған һәм ни өсөн шул тиклем йыйыуҙарын аңлата алмаған.
Тикшереү эштәре дауам итә. Ә подполковниктарҙан юғары торғандарҙың нимә эшләүҙәре хаҡында мәғлүмәттәр юҡ. Әлегә...

Читайте нас в