Бөтә яңылыҡтар
Дөйөм мәҡәләләр
13 Май 2019, 11:27

Майкл Помпео Рәсәйгә килә. АҠШ дәүләт секретарын Рәсәй Президенты ҡабул итерме?

Үҙегеҙ күреп тораһығыҙ, донъялар бер ҙә тыныс түгел. Ошо юҫыҡта Рәсәй-АҠШ мөнәсәбәттәре төп урындарҙың береһен биләй һәм беҙҙең сайттың ошо мәсьәләгә урын бүлеүенә һис тә ғәжәпләнмәгеҙ. Ер шарында именлек һәм тыныслыҡ хөкөм һөрһә, беҙгә лә күңеллерәк. Шуға күрә ошо мәсьәләгә беҙ даими мөрәжәғәт итәсәкбеҙ.

Шулай итеп, Майкл Помпео Мәскәүгә килергә булды. Был сәфәрҙең хәл иткес әһәмиәткә эйә булыуы бик ихтимал. Сөнки дәүләт секретарының АҠШ Президенты Дональд Трамптан хат-сәләм килтереүе бик ихтимал. Ә бындай хаттар ҡулдан-ҡулға ғына йөрөй, тимәк, Помпеоның Рәсәй Президенты Владимир Путин (#ВладимирПутин) менән осрашыуы буласаҡ.
Әгәр бөтәһе лә ыңғай барһа, һөйләшеүҙәрҙең 14 майҙа үтеүе көтөлә.
Читайте нас в