Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
4 Май 2019, 01:00

Әхмәр Ғүмәр-Үтәбай. “БУРАНБАЙҘЫ ҺАҒЫНҒАНДА – 13”

Буранбай Башҡортостан яҙыусылар союзы бинаһында урынлашҡан Әҙәбиәт фондына матди ярҙам һорап инде. Фонд директоры Марс Әхмәтшин уның алдына ике ҡағыҙ һалды ла: – Барлыҡ яҙыусыларға арнап шиғыр яҙҙың, ә миңә – юҡ. Башта ошо ҡағыҙҙарҙың береһенә миңә бағышлап шиғыр яҙ, тине...

– Шиғырмы?.. Булдырабыҙ уны...
Биш минут та үтмәне, әүәләп тә ҡуйҙы. Марс ағай ҡағыҙҙы ҡулына алды. Уҡыны. Уйланып торҙо. Шунан минең алға һалды ла:
– Был көйө бармай. Тәүҙә, бына, Әхмәр, һин, шағир булараҡ, уҡы: шиғырмы-түгелме икәнлеген әйт. Һин – эскперт, "был – шиғыр", тип ҡулыңды ҡуй ҙа, шунан һуң ғына, һин, Буранбай, ғариза яҙырһың...
Мин уның яҙғанын уҡыным да, тәгәрәп ятып көлдөм. Көлмәҫлекме һуң инде, Буранбай яҙһын да! Миңә эйәреп Марс ағай ҙа көлөргә тотондо. Яҙыусылар союзының бинаһы һелкенде.
– Эйе, шиғыр, шиғырҙың да ниндәйе бит әле, буранбайса, парадаксально, һәр ваҡыттағыса, – тип директорҙың шарты буйынса ҡағыҙға "был – шиғыр" тип яҙҙым да, ҡулымды ҡуйҙым...
Ә шиғырға килгәндә, уны "Буранбайҙы һағынғанды — 14" яҙмаһында уҡырһығыҙ...