Ағиҙел
-26 °С
Болотло
75 лет Победы
Бөтә яңылыҡтар
Дөйөм мәҡәләләр
30 Апрель 2019, 09:00

Әхмәр Ғүмәр-Үтәбай. "БУРАНБАЙҘЫ ҺАҒЫНҒАНДА – 9"

Яҙыусылар съезы бара. Йола буйынса кис Өфөнән ситтә йәшәүсе әҙиптәр урынлашҡан “Ағиҙел” ҡунаҡханаһы бүлмәләрендә ижад хаҡында бәхәстәр, күңел асыуҙар дауам итә. Шундай ығы-зығы барғанда беҙ, нисектер, Буранбай Исҡужин менән Силәбенән килгән шағир Рамаҙан Шәғәлиевтың бүлмәһенә барып эләктек. Рамаҙан ағайҙың кәйефе шәп: ул елле итеп өҫтәл әҙерләгән. Ултырышҡас, ул аяғөҫтө баҫып, һүҙ башланы...

–Дуҫтар, туғандар, мин һеҙгә үҙемдең һүҙҙәремә Абдулла Хәлфетдинов яҙған йырымды башҡарып, ошо мәжлесте асып ебәрәм, – тине лә ул, йырын башланы.
–Һин ултыртҡан муйыл...
Ошо киң билдәле йырҙың тәүге һүҙҙәрен әйткәс, бер-ике секундҡа пауза яһаны шағир. Кем белә инде, бәлки уға пауза яһарға ла кәрәк булмағандыр. Ул паузаны ҡәләмдәшебеҙ Буранбай Исҡужин тултырып, эште боҙоп ҡуйҙы. Рамаҙан ағай, бигерәк тә нескә күңелле кеше бит инде, түгелеп иланы ла ебәрҙе. Саҡ тымыҙҙыҡ үҙен. Ә Буранбай Исҡужиндың паузаны тултырған йыр өлөшө шулай ине:
–Кире алдым һурып...
Хәҙер улар икеһе лә гүр эйәһе. Тегендә бергәләп йырлайҙар микән был йырҙы?

Читайте нас в