Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
17 Апрель 2019, 13:59

Табиптарҙы пьедесталдан төшөрөргә ваҡыт. Республика етәксеһе һаулыҡ һаҡлау тармағының эше менән ҡәнәғәт түгел.

Радий Хәбиров “Һаулыҡ һаҡлау сәғәте”нең сираттағы ултырышында дауаханаларҙың баш табиптарын тәнҡитләне. Уның фекеренсә, дауаханаларҙа ыңғай үҙгәрештәр аҙ, табиптарға яҙылыу оҙаҡ. “Әгәр хәл-ваҡиғаларҙы белмәһәгеҙ, етешһеҙлектәрҙе бөтөрмәһәгеҙ, беҙ һеҙҙең менән хушлашасаҡбыҙ. Баш табип пьедесталынан төшөүегеҙҙе, эште ойоштороуығыҙҙы, вазифағыҙҙы законға ярашлы башҡарыуығыҙҙы талап итәм”, – тип тәнҡитләне Радий Фәрит улы.

Республика етәксеһенә баш табип урынбаҫарҙарының күп булыуы оҡшамай. Уның күрһәтмәһенә ярашлы, 420 урынбаҫарҙың 176-һы ҡыҫҡартыласаҡ, янға ҡалдырылған 78000000 һум эш хаҡы медперсоналды дәртләндереү өсөн тотоноласаҡ.
Дауаханаларҙа табиптарға мөрәжәғәт итеү һаны артҡан, ләкин күпселек
осраҡта белгесте 6 көндән артыҡ көтөргә тура килгән. Ҡаты сирле кеше тиҙ арала
медицина ярҙамы алыуҙан мәхрүм. Ә инде эштәрҙе ойоштороу – баш табиптың төп
бурысы. Әгәр эшләй алмай, ойоштороуға һәләтһеҙ икән, урынбаҫарҙар ҙа ярҙам
итмәй.