Бөтә яңылыҡтар
Дөйөм мәҡәләләр
17 Апрель 2019, 14:10

Башҡорт академия драма театры – “Алтын битлек” хужаһы. Театрҙың 100 йыллығына иң ҙур бүләк.

Кисә Мәскәүҙең Ҙур театрында “Алтын битлек” Рәсәй милли театр премияларын тапшырҙылар. Быйылғы еңеүселәр араһында М. Ғафури исемендәге Башҡорт дәүләт академия драма театры ла бар. Гүзәл Яхинаның “Зөләйхә күҙҙәрен аса” романы буйынса ҡуйылған спектакль алты номинацияла юғары премияға дәғүә итә ине.

Жюри, ғәҙәттә, прозаны сәхнәләштергән өсөн төп бүләктәрҙе бирә һалып бармай. Шуға күрә иң юғары наградаларға иҫәп тотоу хаҡында һүҙҙең булыуы ла мөмкин түгел. Күпселек осраҡта “Алтын битлек”тең иң һәлмәктәрен Мәскәү театрҙары үҙ-ара бүлешә, тигән үпкә электән йәшәй. Провинциалдар өсөн номинант булыу ҙа, йәғни, дәғүә итеү ҙә еткән, тип иҫәпләүселәр ҙә күп.
Шуға ҡарамаҫтан, күптәрҙе һоҡландырып өлгөргән спектакль “Гүзәл Яхинаның “Зөләйхә күҙҙәрен аса” романын схнәлә уҡыған өсөн” махсус бүләгенә лайыҡ булды.
Төп театрыбыҙҙы ҙур еңеүе менән ҡотлайбыҙ, яңынан-яңы ижади уңыштар теләйбеҙ!
Читайте нас в