Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
16 Апрель 2019, 10:27

Матурлыҡ подъездан башлана. Ниһайәт, беҙ йәшәгән ергә иғтибар иттеләр.

Күптәр иғтибар иткәндер, республиканың яңы етәксеһе бер башланғысҡа юл ярһа, был хаҡта онотмай, аҙағына еткермәй, туҡтамай. Подъездарҙы ғына алайыҡ. Үҙ ғүмеремдә кешеләр көн һайын тиҫтәләрсә тапҡыр үтеп йөрөгән баҫҡыстарға һәм стеналарға иғтибар булғанын хәтерләмәйем. Әле килеп, подъездарҙа ремонт эштәре башланып тора. Иң төп талап – сифат һәм зауыҡ. Кемдер подъезд стеналарын тигеҙләп, буяп сығыу артығы менән еткән, тип уйлар. Юҡ шул, элекке туҙған, ҡырылып бөткән стеналар яңыра, емерелгән почта йәшниктәре урынына икенселәре килә.

Ошо аҙнала республика ҡалаларының мәңге ремонт күрмәгән подъездарында ремонт эштәре дәррәү башланды. Әлбиттә, был эш еңел түгел. Ремонт эштәре өсөн конкурс саралары үткәреү, бригадаларҙы туплау шаҡтай мәшәҡәтле эш. Иң мөһиме, эш башланды. Йүнәтеү өсөн йылы миҙгелгә өҫтөнлөк бирелеүе осраҡлы түгел, эштәр сифатлы буласаҡ.
Ҡайһы бер подъездарға инһәң, ундағы мәхшәрҙе күреп, бында йәшәү түгел, йүгереп ҡасаһы килә. Ни хәл итәһең, 30-40 йыл буяу күрмәгән подъездар бар. Шунда йәшәүселәр үҙҙәре лә аптырай, бында нисек көн итмәк кәрәк, тиҙәр. Матур, уңайлы шарттарҙа ла йәшәргә өйрәнергә кәрәк икән шул.