Ағиҙел
-26 °С
Болотло
75 лет Победы
Бөтә яңылыҡтар
Дөйөм мәҡәләләр
11 Апрель 2019, 10:38

Күршеләрҙә бөгөн байрам. “Шоңҡар” журналына – 25 йыл!

Эйе, тап шулай, бынан сирек быуат элек “Ағиҙел”дең шул осорҙағы баш мөхәррире, мәшһүр прозаик Булат Рафиҡов тәҡдиме менән сыға башлаған йәштәр журналы үҙ аллы статус ала. Тәүге һанды әҙерләүселәр – Таңһылыу Ҡарамышева, Әхмәр Үтәбаев, Дамир Шәрәфетдинов һәм башҡалар аҙаҡ билдәле ҡәләм оҫталарына әйләнә. Төрлө йылдарҙа баш мөхәррир булып Әмир Әминев, Иршат Теләүембәтов, Азамат Юлдашбаев эшләй. Хәҙер йәш, көслө коллективты Мөнир Ҡунафин етәкләй.

“Шоңҡар”ҙың үҙ юлы, үҙ уҡыусылары, үҙ традициялары бар, ул йәштәрсә ҡыйыулығы, тәүәккәллеге менән айырылып тора.
Хәҙер күптәр интернет селтәрҙәрендә гиҙеүҙе хуп күрһә лә, “Шоңҡар” үҙенең уҡыусыларын һаҡлап ҡалды.
Бөгөн Мостай Кәрим исемендәге Милли йәштәр театрында әҙәбиәт һөйөүселәр журналдың юбилейын билдәләйәсәк.
Байрамың менән, “Шоңҡар”! Һин “Ағиҙел”дең “Аҡбуҙат” һымаҡ яратҡан сабыйы, уға лайыҡ бул. Әйҙә, “Шоңҡар”ыбыҙ, илгә, милләткә, мәҙәниәткә бергә хеҙмәт итәйек!
Читайте нас в