Бөтә яңылыҡтар
Дөйөм мәҡәләләр
10 Апрель 2019, 17:39

Яҡташтары Марат Ишемғоловты онотмай. Районда уның исемендәге шахмат-шашка турниры үтте.

Ауырғазыларҙың үҙҙәренең мәрхүм башлығы Марат Баязит улы Ишемғоловты онотмауҙары маҡтауға лайыҡ. Үҙе лә ябай, ихлас, ярҙамсыл етәксе ине, ул эшләгән йылдарҙа район алдынғылар сафында нығынды.

Марат Баязит улы яҙыусыларҙың яҡын дуҫы булды, яратҡан шиғырҙарын яттан һөйләр ине. Ул эшләгән йылдарҙа милли матбуғатҡа иғтибар ҙур ине.
Башлыҡ иҫтәлегенә арналған шахмат-шашка турниры икенсе тапҡыр ғына ойошторола, ләкин ул халыҡ араһында танылыу яулап өлгөрҙө. Ауырғазыларға рәхмәт, улар үҙҙәренең күп яңылыҡтарға юл асҡан етәкселәрен онотмай.